پاک فوج مشکل وقت میں سیلاب متاثرہ افراد کے ساتھ کھڑی ہے، آرمی چیف

صدیق ساجد

20th Aug, 2022. 02:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک فوج مشکل وقت میں سیلاب متاثرہ افراد کے ساتھ کھڑی ہے، آرمی چیف

آرمی چیف جنرل قمر جاوید باجوہ نے کہا ہے کہ پاک فوج مشکل وقت میں سیلاب متاثرہ افراد کے ساتھ کھڑی ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی جانب سے کور کمانڈر بلوچستان کو ٹیلیفون کیا گیا ہے۔

آئی ایس پی آر نے بتایا ہے کہ اس دوران آرمی چیف نے بلوچستان میں سیلاب کی صورتحال کے متعلق معلومات حاصل کیں ہیں۔

آئی ایس پی آر نے بتایا کہ آرمی چیف نے کہا کہ غیر معمولی بارشوں کی وجہ سے بلوچستان نیں خصوصی طور پر بھاری جانی و مالی نقصان ہوا ہے اور مواصلاتی ڈھانچہ بھی بری طرح متاثر ہوا ہے۔

آئی ایس پی آر نے بتایا کہ آرمی چیف نے ہدایت جاری کرتے ہوئے کہا کہ بلوچستان حکومت کے ریلیف، ریسکیو اور بحالی آپریشن میں فوج سول حکومت کی بھرپور مدد کے لیے تمام تر اقدامات اٹھائیں، ہنگامی بنیادوں پر سول انتظامیہ کی مدد کی جائے۔

آرمی چیف نے ہدایات جاری کی ہیں کہ پاک فوج متاثرہ افراد کی مدد اور مواصلاتی اسٹرکچر کی بحالی کے لیے ہنگامی اقدامات اٹھائے۔

آئی ایس پی آر کے مطابق آرمی چیف نے کہا ہے کہ پاک فوج اس مشکل وقت میں سیلاب متاثرہ افراد کے ساتھ کھڑی ہے، مشکل کی اس گھڑی میں انکی مدد ایک قومی فریضہ ہے۔