پاکستان تحریک انصاف کے رہنما مراد سعید نے کہا ہے کہ میں دنیا کو دکھاؤں گا کہ سب سے بڑی طاقت اللہ ہے۔
تفصیلات کے مطابق مراد سعید نے سوات میں میڈیا سے گفتگو کرتے ہوئے کہا کہ عمران خان کی حکومت میں ایک ڈرون حملہ نہیں ہوا۔
‘سوات میں ہر طرف ترقی ہو رہی ہے’
ان کا کہنا تھا کہ سوات میں ہر طرف ترقی ہو رہی ہے، ہر طرف ترقیاتی کام ہو رہے ہیں، سوات سیاحت کا حب بن چکا ہے، یہاں کھیل کے میدان آباد ہوئے ہیں۔
‘ہم جنگ کے خلاف ہیں’
انہوں نے کہا کہ ہمیں کسی کے لیے ایندھن نہ بنایا جائے، ہمیں مزید کسی اور کے لیے استعمال نہ کیا جائے، ہم جنگ کے خلاف ہیں۔
مراد سعید نے کہا کہ کیا امریکہ کو ایئر اسپیس دیا گیا ہے؟ مستقبل میں ہمیں کیوں ایندھن بنایا جا رہا ہے؟
‘میرا جینا مرنا اسی زمین سے ہے’
ان کا کہنا تھا کہ میرے لوگوں نے ایک عرصہ بعد ترقی دیکھی ہے، میرا جینا مرنا اسی زمین سے ہے، ہم اپنے گھروں کو تباہ نہیں کر سکتے، دو مہینوں سے مسلسل ہم آواز اٹھا رہیں ہیں۔
انہوں نے کہا کہ میرے مستقبل کے فیصلے پر آپ سودہ نہیں کر سکتے، آئندہ 48 گھنٹوں میں حالات کنٹرول نہ ہوئے تو میں عوام کی طرف جاؤں گا۔
‘تمام سیاسی جماعتوں کو امن کے لیے دعوت دیتا ہوں’
پی ٹی آئی رہنما نے کہا کہ میں تمام سیاسی جماعتوں کو امن کے لیے دعوت دیتا ہوں، امن کو تباہ نہیں ہونے دیں گے، عوام کو مرنے نہیں دیں گے۔
‘میں اپنے لوگوں کے اوپر سمجھوتہ نہیں کروں گا’
ان کا کہنا تھا کہ میں اپنے لوگوں کے اوپر سمجھوتہ نہیں کروں گا، میں دنیا کو دکھاؤں گا کہ سب سے بڑی طاقت اللہ ہے۔
‘ہم امریکہ کی غلامی نہیں کریں گے’
مراد سعید نے مزید کہا کہ نہ امریکی کی غلامی کریں گے نہ ڈرون حملے ہوں گے، میڈیا اپنا کردار ادا کرے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News