پاکستان تحریک انصاف (پی ٹی آئی) کے رہنما عمران اسماعیل نے کہا ہے کہ 10 ستمبر سے پہلے جعلی حکومت کو لپیٹ دینگے۔

سابق گورنر سندھ عمران اسماعیل نے میڈیا سے گفتگو کرتے ہوئے کہا کہ شہباز گل کی گرفتاری کی مذمت کرتے ہیں، شہبازگل پر تشدد کیا جارہا ہے۔

‘امپورٹڈ حکومت عوام میں جانے سے ڈرتی ہے’

انہوں نے کہا کہ ایک دوسرے کا پیٹ کاٹ کر پیسہ نکالنے والے اکٹھے ہوگئے، پہلے کہتا ہوں اتنا کریں جتنا برداشت کرسکیں۔

عمران اسماعیل نے کہا کہ امپورٹڈ حکومت عوام میں جانے سے ڈرتی ہے، ریاستی مشینری عمران خان اور پی ٹی آئی کیخلاف لگائی گئی، عمران خان کی مقبولیت میں اضافہ ہوا، ان کی خام خیالی ہےعمران خان کی پارٹی ختم ہوجائے گی۔

پی ٹی آئی رہنما نے مزید کہا کہ حلیم عادل کی گرفتاری کی مذمت کرتے ہیں، حلیم عادل پر بھی تشدد کیا جارہا ہے۔

شہباز گل پمز کارڈیالوجی ایمبرجنسی سے پرائیویٹ وارڈ میں منتقل

پاکستان تحریک انصاف (پی ٹی آئی) کے رہنما شہباز گل کو ابتدائی طبعی معائنہ کے بعد پمز کارڈیالوجی ایمبرجنسی سے پرائیویٹ وارڈ میں منتقل کر دیا گیا ہے۔

ذرائع کے مطابق شہباز گل کو جن پرائیویٹ رومز میں منتقل کیا گیا اس سے پہلے آصف علی زرداری اور نواز شریف بھی داخل رہے ہیں۔

ذرائع کا کہنا ہے کہ ڈاکٹرز کی جانب سے ابتدائی طبعی معائنہ رپورٹ تیار کی جا رہی ہے، اگر شہباز گل کو ہسپتال میں داخل رکھنا ہوا تو ان پرائیویٹ رومز کو سب جیل قرار دیا جا سکتا ہے۔

شہباز گل کو پمز اسپتال پہنچا دیا گیا

پاکستان تحریک انصاف (پی ٹی آئی) کے رہنما شہباز گل کو سانس لینے میں دشواری پر طبعی معائنہ کے لئے پمز اسپتال پہنچا دیا گیا ہے۔

ذرائع کے مطابق پمز اسپتال میں سیکورٹی ہائی الرٹ کر دی گئی ہے جبکہ اسلام آباد پولیس کی اضافی نفری پمز ایمرجنسی میں تعینات کی گئی ہے۔

پولیس نے پی ٹی آئی رہنماؤں کو شہباز گِل سے ملنے سے روک دیا

پولیس نے ملزم شہباز گِل سے ملنے کیلئے اسپتال آئے پی ٹی آئی رہنماؤں کو ملاقات سے روک دیا ہے۔

پی ٹی آئی رہنما اب سے کچھ دیر قبل شہباز گِل سے ملاقات کے لیے پمز اسپتال پہنچے تھے۔

پمز آنے والے پی ٹی آئی رہنماؤں میں فیصل جاوید، شبلی فراز، اعظم سواتی کے علاوہ شہزاد وسیم اور فوزیہ ارشد بھی شامل تھیں۔