محکمہ موسمیات نے ملک بھر میں موسم خشک رہنے کی پیش گوئی کی ہے۔

محکمہ موسمیات کا کہنا ہے کہ آج ملک کے بیشترمیدانی علاقوں میں موسم خشک جبکہ وسطی و جنوبی علاقوں میں گرم رہے گا۔

صوبہ پنجاب

صوبہ پنجاب کے بیشتر  اضلاع  میں آج موسم گرم  اورخشک رہے گا البتہ خطہ ٔپوٹھوہار، گوجرانوالہ ، سیالکوٹ، نارووال،اوکاڑہ، قصور ، لاہور فیصل آباد،  ساہیوال ،سرگودھا،خوشاب، منڈی بہاؤلدین،ٹوبہ ٹیک سنگھ اور میانوالی میں مطلع جزوی ابر آلود رہنے کے ساتھ چند مقامات پرتیز ہواؤں اورگرج چمک کے ساتھ بارش کا امکان ہے۔

 صوبہ خیبرپختونخوا

صوبہ خیبرپختونخوا کے بیشتر اضلاع میں آج مطلع جزوی ابر آلود رہیگا جبکہ مالاکنڈ، سوات، دیر، چترال ، مردان، پشاور، ایبٹ آباد، مانسہرہ ،کوہاٹ ،کرم اور چارسدہ میں چند مقامات پر  تیز ہواؤں اورگرج چمک کے ساتھ بارش کا امکان ہے۔

صوبہ سندھ

صوبہ سندھ کے بیشتر اضلاع  میں آج موسم گرم اورخشک رہے گا جبکہ کراچی ، حیدرآباد اور سکھر کے علاقوں مں تیز ہوائیں چلیں گی۔

صوبہ بلوچستان

صوبہ بلوچستان کے بیشتر اضلاع میں بھی آج موسم گرم  اورخشک رہے گا۔

واضح رہے کہ آج ریکارڈ کیے گئے زیادہ سے زیادہ درجہ حرارت میں سبی 41 بھکر ،سکھر اوررحیم یار خان میں 40 ڈگری سینٹی گریڈ ریکارڈ کیا گیا ہے۔