ملک کے بیشتر علاقوں میں آج موسم گرم اور خشک رہے گا۔

محکمہ موسمیات کا کہنا ہے کہ ملک کے بیشتر بالائی علاقوں میں آج  مطلع جزوی ابر آلود رہیگا جبکہ ملک کے دیگر علاقوں میں موسم گرم اور خشک رہے گا۔

صوبہ پنجاب

صوبہ پنجاب کے بیشتر اضلاع  میں آج موسم گرم  اورخشک رہے گا جبکہ خطہ ٔپوٹھوہار، لاہور ، اوکاڑہ ، قصور ،  گوجرانوالہ ، سیالکوٹ، نارووال،منڈی بہاؤالدین، حافظ آباد، ٹوبہ ٹیک سنگھ ، فیصل آباد، ساہیوال ،سرگودھا،خوشاب ، میانوالی اور ساہیوال میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا بھی امکان ہے۔

صوبہ خیبرپختونخوا

 صوبہ کے بیشتر اضلاع میں آج مطلع جزوی ابر آلود رہیگا البتہ   سوات، چترال ،  دیر،مالاکنڈ ، بونیر، مانسہرہ ،ایبٹ آباد، ہری پور، مردان،چارسدہ ، نوشہرہ ،خیبر،  پشاور،کوہاٹ اور کرم میں تیز ہواؤ ں اور گرج چمک کے ساتھ بارش کا امکان ہے۔

صوبہ سندھ

 صوبہ کے بیشتر اضلاع  میں موسم گرم اورخشک رہے گا جبکہ کراچی سمیت حیدرآباد اور سکھر میں تیز ہوائیں چل سکتی ہیں۔

صوبہ بلوچستان

   صوبہ کے بیشتر اضلاع  میں آج موسم گرم اورخشک رہے گا۔

واضح رہے کہ آج ریکارڈ کیے گئے زیادہ سےزیادہ درجہ حرارت میں سبی 40،تربت ،روہڑی اوررحیم یار خان میں 39 ڈگری سینٹی گریڈ ریکارڈ کیا گیا ہے۔