مفتاح اسماعیل باضابطہ طور پر وزیر خزانہ کے عہدے سے مستعفی

صدیق ساجد

27th Sep, 2022. 03:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مفتاح اسماعیل باضابطہ طور پر وزیر خزانہ کے عہدے سے مستعفی

وزیر خزانہ مفتاح اسماعیل باضابطہ طور پر اپنے عہدے سے مستعفی ہوگئے۔

تفصیلات کے مطابق مفتاح اسماعیل نے باضابطہ طور پر اپنا استعفیٰ وزیر اعظم شہباز شریف کو بھجوا دیا ہے۔

وزیر اعظم نے مفتاح اسماعیل کا استعفیٰ منظور کر کے صدر مملکت ڈاکٹر عارف علوی کو بھیج دیا ہے۔

مفتاح اسماعیل کا کہنا ہے کہ بطور وزیر خزانہ کام کرنا میرے لیے باعث افتخار تھا ۔

واضح رہے کہ مفتاح اسماعیل کے دور میں پیٹرول کی قیمت میں 80 روپے سے زائد اور ڈالر کی قیمت میں 50 روپے سے زائد اضافہ ہوا ۔

گزشتہ روز ٹوئیٹر پر ایک شخص نے مفتاح اسماعیل سے سوال کیا تھا کہ وزارت سے فراغت کے بعد کراچی پہنچ کر آپ کا پہلا پڑاؤ کس ہوٹل میں ہوگا؟

جس پر مفتاح اسماعیل نے جواب دیا کہ میں کراچی میں زاہد نہاری، ادریس نہاری، جاوید نہاری، الکباب، غفار اور میرٹھ کباب جاؤں گا ۔

اس کے علاوہ انہوں نے کہا کہ وہ دھورا جی کا گولا گنڈا بھی کھائيں گے ، خوش قسمتی سے ان کے پاس بہت چوائسز ہیں۔

دوسری جانب حکومتی ذرائع کا کہنا ہے کہ نئے وزیر خزانہ اسحاق ڈار کل اپنے عہدے کا حلف اٹھائیں گے ۔

پیشے کے لحاظ سے چارٹرڈ اکاؤنٹنٹ اسحاق ڈار چوتھی مرتبہ وزیر خزانہ بنیں گے۔