وزیر خارجہ بلاول بھٹو زرداری نے کہا ہے کہ  پرامن اور خوشحال افغانستان پاکستان کی ترجیح ہے۔

تفصیلات کے مطابق وزیر خارجہ بلاول بھٹو زرداری سے نیویارک میں افغانستان کے لیے امریکہ کے خصوصی ایلچی تھامس ویسٹ سے ملاقات ہوئی ہے۔

Met Thomas West @US4AfghanPeace on #UNGA sidelines. Discussed need for continued engagement. Peaceful, prosperous & stable Afghanistan for all Afghan citizens is important not only for Afghanistan & it’s neighbors but for the world at large. pic.twitter.com/zKcAMU3DUm

— BilawalBhuttoZardari (@BBhuttoZardari) September 20, 2022

ملاقات میں وزیر خارجہ کا افغانستان اور باہر دیرپا امن واستحکام کے لیے عبوری افغان حکومت کے ساتھ بین الاقوامی رابطے جاری رکھنے کی اہمیت پر زور دیا گیا ہے۔

وزیر خارجہ بلاول بھٹو زرداری کا کہنا ہے کہ  ایک پرامن، مستحکم، خوشحال افغانستان پاکستان کی ترجیح ہے۔

وزیر خارجہ نے توسیعی ٹرائیکا میکانزم سمیت افغانستان میں پیشرفت پر علاقائی اتفاق رائے پیدا کرنے میں پاکستان کی سہولت کار کوششوں کو اجاگر کیا۔

انہوں نے افغانستان میں انسانی ہمدردی کے امکانات کا حوالہ دیا جن کے بارے میں اقوام متحدہ اور بین الاقوامی ایجنسیوں نے خبردار کیا ہے کہ آنے والے موسم سرما میں مزید خراب ہو جائیں گے۔

وزیر خارجہ نے کہا کہ اس طرح کے منظر نامے کے نتیجے میں بڑے پیمانے پر پناہ گزینوں کی نقل مکانی ہو سکتی ہے۔

افغانستان کے لیے امریکی خصوصی نمائندے تھامس ویسٹ نے افغانستان میں امن و استحکام اور انخلاء میں سہولت کے لیے پاکستان کی کوششوں کو سراہا۔

اسکے علاوہ فریقوں نے افغان عوام کے مشکلات کے خاتمے اور علاقائی امن و استحکام کو فروغ دینے کے لیے بین الاقوامی برادری کی مسلسل کوششوں اور شمولیت کے مشترکہ مقاصد کے لیے مسلسل تعاون کی ضرورت کو تسلیم کیا۔