شمالی وزیرستان، دیسی ساختہ بم دھماکے میں پاک فوج کے 2 جوان شہید

لیفٹیننٹ کرنل (ر) رفعت ندیم احمد

25th Sep, 2022. 09:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شمالی وزیرستان، دیسی ساختہ بم دھماکے میں پاک فوج کے 2 جوان شہید

صوبہ خیبرپختونخوا کے ضلع شمالی وزیرستان میں دیسی ساختہ بم پھٹنے سے پاک فوج کے دو اہلکار شہید ہوگئے ہیں۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے ایشام میں کلیئرنس آپریشن کے دوران دیسی ساختہ بم دھماکہ ہوا جس کے نتیجے میں نائب صوبیدار جاوید اقبال اور نائیک حسین احمد شہید ہوگئے۔

آئی ایس پی آر نے بتایا کہ شہید ہونے والے نائب صوبیدار جاوید اقبال کا تعلق اٹک سے تھا جبکہ دوسرے شہید ہونے والے 38 سالہ نائیک حسین احمد کا تعلق اوکاڑہ سے تھا۔

آئی ایس پی آر کا کہنا ہے کہ پاک فوج نے واقعے کے فوری بعد دھماکہ خیز مواد نصب کرنے والے دہشت گردوں کو پکڑنے کیلئے علاقے کی ناکہ بندی کردی ہے۔

صدر مملکت کا پاک فوج کے جوانوں کی شہادت پر اظہارِ افسوس

صدر مملکت ڈاکٹر عارف علوی پاک فوج کے جوانوں کی شہادت پر گہرے دکھ اور افسوس کا اظہار کیا ہے۔

صدر عارف علوی نے شمالی وزیرستان میں آئی ای ڈی دھماکے میں نائب صوبیدار جاوید اقبال اور نائیک حسین احمد کی شہادت پر تعزیت کا بھی اظہار کیا ہے۔

انہوں نے مزید کہا کہ قوم ان شہداء کی مقروض ہے جنہوں نے مادر وطن کی حفاظت کرتے ہوئے اپنی جانوں کا نذرانہ پیش کیا۔

صدر مملکت نے شہداء کے بلند درجات اور اہلِ خانہ کے لیے صبر جمیل کی دعا کی۔