جے یو آئی کے کارکنان روز اول سے سیلاب متاثرین کی خدمت میں مصروف ہیں، فضل الرحمان

اریبہ تنویر

20th Sep, 2022. 12:37 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

جے یو آئی کے کارکنان روز اول سے سیلاب متاثرین کی خدمت میں مصروف ہیں، فضل الرحمان
دوحا امن معاہدے کے بعد پاک افغان سرحد جلد کھلنے کا امکان، دونوں فریقوں کا اصولی اتفاق
دوحا مذاکرات ہماری شرائط پر ہوئے، بھارت افغان دہشتگردوں کو فنڈ کرتا ہے، حنیف عباسی کا تہلکہ خیز انکشاف
لاہور، علامہ اقبال میڈیکل کالج میں AIMSCon-2025 کا شاندار انعقاد، 400 سے زائد تحقیقی مضامین پیش

Now Reading:

جے یو آئی کے کارکنان روز اول سے سیلاب متاثرین کی خدمت میں مصروف ہیں، فضل الرحمان

جے یو آئی سربراہ مولانا فضل الرحمن نے کہا ہے کہ جمعیت علماء اسلام کے کارکنان روز اول سے سیلاب متاثرین کی خدمت میں مصروف ہیں۔

تفصیلات کے مطابق جے یو آئی سربراہ مولانا فضل الرحمن نے سندھ کے سیلاب متاثرہ علاقوں کا دورہ کر کے متاثرین میں نقد رقم تقسیم کی۔

پی ڈی ایم کے صدر مولانا فضل الرحمان نے سکھر، لکھی غلام شاہ، شکارپور، گڑھی یاسین، رتوديرو، نئوں دیرو کے علاقوں کا دورہ کیا اور کیمپوں میں جا کر متاثرین سے ملاقاتیں کیں۔

مولانا فضل الرحمان کا اس موقعے پر کہنا تھا کہ متاثرین کے ساتھ ہمدردی کا اظہار کرتے ہیں، سیلاب متاثرین کے دکھ کی گھڑی میں شانہ بشانہ کھڑے ہیں، سیلاب متاثرین کو تنہا نہیں چھوڑیں گے۔

ان کا کہنا تھا کہ سیلاب سے سب سے زیادہ سندھ متاثر ہوا ہے، لاکھوں خاندان متاثر ہوئے ہیں، جمعیت علماء اسلام کے کارکنان روز اول سے متاثرین کی خدمت میں مصروف ہیں۔

مولانا فضل الرحمان کے ساتھ مولانا راشد محمود سومرو سیکرٹری جنرل جے یو آئی سندھ و دیگر رہنما ساتھ تھے۔

واضح رہے کہ مولانا فضل الرحمان کل لاڑکانہ، قمبر شہداد کوٹ، دادو، جوہی، کے این شاہ، شھدادکوٹ خیرپور ،جیکب آباد، سکھر گمبٹ و دیگر علائقون کا فضائی دورہ بھی کریں گے۔