پاکستان کے سیلاب متاثرین کے لئے دوست ممالک کی جانب سے امداد کا سلسلہ جاری ہے۔

اس سلسلے کے تحت متحدہ عرب امارات کی جانب سے گزشتہ روز 4 خصوصی جہازوں کے ذریعے خوراک، طبی امداد، خیموں سمیت دیگر امدادی سامان کراچی پہنچا ہے۔

متحدہ عرب امارات کی دانشمندانہ قیادت کی پاکستان میں سیلاب اور طوفانی بارشوں سے متاثرہ افراد کی امداد کیلئے پروازیں چلانے کے ہدایات کی روشنی میں کئی ٹن خوراک، طبی امداد اور خیموں سے لدے 4 طیارے کراچی پہنچ گئے جس سے اب تک پہنچنے والی امدادی پروازوں کی تعداد 31 طیارے ہوگئی ہے pic.twitter.com/0G8a7UmNZh

— UAE Embassy PK (@uaeembassyisb) September 8, 2022

خیال رہے کہ متحدہ عرب امارات سے  اب تک پہنچنے والی امدادی سامان لانے والے طیاروں کی  تعداد 31 ہوگئی ہے۔

دوسری جانب ترکی ریڈ کریسنٹ کی طرف سے سیلاب زدگان کیلئے امدادی سامان پاک ایران بارڈر پر پاکستان ریڈ کریسنٹ کے وفد کے حوالے کردیا گیا ہے۔

مدادی سامان میں دو سو ٹینٹ،انیس سو کمبل،تین سو میٹریس و دیگر امدادی سامان شامل ہے۔

اسکے علاوہ ترکی ہلال احمر کے طرف سے مزید دو ٹرینوں پر مشتمل امدادی سامان جلد ایران کے راستے سے پاکستان پہنچ جائینگے۔

یاد رہے کہ پاکستان کو اب تک دوست ممالک اور بین الاقوامی اداروں کی جانب سے سیلاب زدگان کے لیے امدادی سامان لے جانے والی 56 پروازیں موصول ہو چکی ہیں۔

اس حوالے سے ترجمان دفتر خارجہ کے مطابق متحدہ عرب امارات نے چھبیس، ترکی نے گیارہ، چین نے چار، قطر نے چار، فرانس، ازبکستان، ترکمانستان اور اردن نے ایک ایک پروازیں بھیجیں ہیں۔

اقوام متحدہ کے چلڈرن فنڈ نے بھی دو پروازیں بھیجی ہیں، اقوام متحدہ کے ہائی کمشنر برائے مہاجرین نے تین اور ورلڈ فوڈ پروگرام نے سیلاب کے لیے دو پروازیں روانہ کی ہیں۔