سول ایوی ایشن اتھارٹی (سی اے اے) نے کراچی ایئرپورٹ کے رن وے نمبر 25 آر کی لائٹس سے متعلق بڑا فیصلہ کر لیا ہے۔

تفصیلات کے مطابق کراچی ایئرپورٹ کے رن وے نمبر 25 آر کے آئی ایل ایس سسٹم کے نئے آلات کی انسٹالیشن کا کام شروع کردیا گیا ہے۔

سی اے اے کا کہنا ہے کہ ایئرپورٹ کے رن وے نمبر 25 آر کے آئی ایل ایس سسٹم کے نئے آلات لگانے کا کام 12 سے 15 ستمبر تک جاری رہے گا اور اس دوران چار روز تک رن وے 25 آر کے آئی ایل ایس سسٹم کی فریکوئنسی سروس صبح 3 سے شام 7 بجے تک بند رہے گی۔

سی اے اے کی تمام ایئرلاینز کو نئی ہدایات جاری

سول ایوی ایشن اتھارٹی نے کراچی ایئرپورٹ کے رن وے 25 آر سے متعلق تمام ایئرلاینز کو نئی ہدایات جاری کردی ہیں۔

سی اے اے کے مطابق کراچی ایئرپورٹ کے رن وے 25 آر کی ایل ایس سسٹم کی فریکونسی 334.4 مہیا نہیں ہوگی۔

سی اے اے نے کراچی ایئرپورٹ کے رن وے 25 آر سے متعلق نیا نوٹم جاری کرکے تمام ایئرلاینز کو آگاہ کردیا ہے۔

سی اے اے کا کہنا ہے کہ کراچی ایئرپورٹ کے رن ون 25 آر کے آئی ایل ایس سسٹم کے آلات کی مرمت کے باعث متعلقہ فریکونسی دیئے گئے اوقات میں فریکونسی بند رہے گی۔ آئی ایل ایس سسٹم جہازوں کو رن وے کی طرف رہنمائی اور لینڈنگ میں مدد فراہم کرتا ہے۔

سی اے اے ذرائع نے بتایا کہ آئی ایل ایس سسٹم کے آلات امریکا سے درآمد کیے گئے ہیں۔

کراچی اور نوابشاہ ایئرپورٹس پر بارشوں سے رن وے لائٹس خراب، ترجمان سی اے اے کی تردید

کراچی اور نوابشاہ ایرپورٹس پر سی اے اے کی تنصیبات کو حالیہ طوفانی بارشوں سے نقصان ہوا تھا۔

حالیہ طوفانی بارش سے کراچی ایرپورٹ کے رن وے 25 آر کی لائٹس خراب ہو گئی تھیں، رن وے کی لائٹس بارشوں کے دوران شارٹ سرکٹ ہوئیں۔

 تاحال رن وے 25 آر کی لائٹس کی خرابی دور نہ کی جاسکی ہے، بارش سے پسنجر بورڈنگ برج کو بھی کو نقصان پہنچا ہے۔

طوفانی بارشوں کے دوران تیز ہواؤں سے کراچی ایئرپورٹ کے پسنجر بورڈنگ برج نمبر 16 کو بھی شدید نقصان ہوا۔

 پسنجر بورڈنگ برج نمبر 16 کی عدم دستیابی اور رن وے 25 آر کی لائٹس خرابی سے متعلق تمام ایئرلاینز کو سی اے اے ے نوٹم کے ذریعے آگاہ کردیا تھا۔

سول ایوی ایشن کے ترجمان نے کراچی ایئر پورٹ کے ایک رن وے کی لا یٹون کے خراب ہونے کی تردید کی تھی۔