ریاض: سعودی عرب نے پاکستان میں سیلاب متاثرین کی مدد کے لیے امداد کی پہلی کھیپ روانہ کردی ہے۔

شاہ سلمان مرکز برائے امداد و انسانی خدمات کے سربراہ ڈاکٹر عبداللہ الربیعہ نے پاکستان میں سیلاب متاثرین کو فوری امداد فراہم کرنے کے لیے سعودی عرب سے آج ایک امدادی ہوائی جہاز روانہ کردیا ہے۔

ڈاکٹر عبداللہ الربیعہ کا کہنا ہے کہ ایئرلفٹ میں پہلے دو طیارے آج ریاض کے کنگ خالد انٹرنیشنل ایئرپورٹ سے 180 ٹن خوراک، طبی اور پناہ گاہ کی امداد لے کر روانہ ہورہے ہیں۔

ڈاکٹر الربیعہ نے مزید کہا کہ سیلاب سے متاثرہ 19,000 سے زائد افراد امداد کے اس کھیپ سے مستفید ہوسکیں گے۔

ڈاکٹر الربیعہ نے بتایا کہ آنے والے دنوں میں امداد کے کم از کم دس ہوائی جہاز بھیجے جائیں گے جس میں پناہ گاہ، خوراک اور طبی امداد لے کر جا رہا ہے جو متاثرہ علاقوں میں تقسیم کیا جائے گا۔

انہوں نے کہا کہ یہ ہوائی جہاز سعودی عرب کی جانب سے ادا کیے جانے والے عالمی انسانی کردار کی عکاسی کرتا ہے اور دنیا بھر میں ضرورت مند لوگوں کی تکالیف کو دور کرنے کے لیے مملکت کے جاری عزم کو اجاگر کرتا ہے۔

ڈاکٹر الربیعہ نے حرمین شریفین کے متولی اور ولی عہد کا شکریہ ادا کیا اور ان کی تعریف کرتے ہوئے کہا کہ وہ دنیا بھر میں ضرورت مند اور کمزور لوگوں کی مدد کرتے ہیں جب کہ ان کی دیکھ بھال پر بھی توجہ دیتے ہیں۔

انہوں نے امید ظاہر کی کہ اس مہم کے دوران فراہم کی جانے والی امداد پاکستان بھر میں زندگیوں کو بچانے اور بہتر بنانے میں مدد دے گی۔