ن لیگی رہنما عطا تارڑ  نے کہا ہے کہ عوام نے عمران خان کے جلسوں میں جانا چھوڑ دیا ہے۔

میڈیا سے گفتگو کرتے ہوئے ن لیگی رہنما عطا تارڑ نے کہا کہ پنجاب کے وسائل کو فوج اور عدلیہ کے خلاف حملے کرنے اور بیانیہ بنانے میں استعمال کیا جا رہا ہے۔

عطا تارڑ کا کہنا تھا کہ فکر نہ کریں عوام نے اسکے جلسوں میں جانا چھوڑ دیا ہے، گوجرانوالہ کا جلسہ دیکھیں عدلیہ کے خلاف اسکے بیانیہ کی وجہ سے لوگوں کی تعداد میں کمی ہو رہی ہے۔

انہوں نے کہا کہ  پنجاب میں کوئی افسر کام کرنے کو تیار نہیں، پنجاب کے چیف سیکرٹری اور سیکرٹری خزانہ نے کام سے انکار کر دیا ہے۔

عطا تارڑ نے کہا کہ صوبے میں ریاست مخالف باتیں ہو رہی ہیں لیکن ہم اس فسطائیت کا ڈٹ کر مقابلہ کریں گے، آپ سو جھوٹے مقدمے بنائیں ہمیں عوام کی خدمت سے کوئی نہیں روک سکتا۔

انہوں نے کہا کہ ہمارا پندرہ سے زیادہ ارکان پنجاب اسمبلی سے رابطہ ہے جبکہ ہم  نے کبھی ہار نہیں مانی تھی،  ہم جدو جہد ہمیشہ جاری رکھیں گے اور پرویز الٰہی کا پنجاب سے خاتمہ کریں گے۔

انہوں نے مزید کہا کہ عمران خان کو مشورہ ہے کہ شامل تفتیش ہو جاییں۔

رانا مشہود

دوسری جانب رانا مشہود نے میڈیا سے بات چیت کرتے ہوئے کہا کہ   جھوٹ پر بنائے مقدمات کا سامنا کل بھی کیا اور آیندہ بھی کریں گے۔

انہوں نے کہا کہ سیلاب کو چھوڑ کر پرویز الہی پیسہ اپنے دیہاتوں اور اپنے علاقے میں لگا رہا ہے، سیلاب میں ڈوبے پنجابیوں کو لاوارث کر دیا ہے۔

رانا مشہود کا کہنا تھا کہ پنجاب کی حکومت پنجاب کی وارث نہیں ہے، انکی توجہ لوٹ مار کے اوپر ہے۔

انہوں نے مزید کہا کہ  عنقریب پنجاب میں پرویز الہی کا ڈاکو راج  ختم ہونے والا ہے اور مسلم لیگ ن کی حکومت ہو گی۔