کیا وزیراعظم سیکیورٹی آفس کے کسی شخص نے ڈیٹا دیا یا پورا کال ڈیٹا ہی ہوگیا تھا، تمام پہلوؤں سے تحقیقات شروع کردی گئی ہیں۔

ذرائع کے مطابق وزیراعظم ہاؤس کا کال ڈیٹا ہیک ہوا ہے یا سیکیورٹی کی ناکامی ہے اس حوالے سے اینٹلی جنس بیورو سے جواب طلب کرلیا گیا ہے۔

ذرائع نے بتایا کہ وزیراعظم کی کالز آٹھ گھنٹے کی ہیں سو فائلز ہیں۔

آڈیو کال ڈارک ویب پر کیسے گئی ایف آئی اے بھی متحرک

وزیراعظم کی ان آڈیو کالز سوشل میڈیا پر ڈارک ویب پر کیسے گئی ایف آئی اے بھی متحرک ہوگیا۔

وزیراعظم ہاؤس کے سیکیورٹی اور اینٹلی جنس نظام پر بھی سوالات اٹھ گئے ہیں، وزیراعظم کی ان آڈیو کالز میں اہم ترین شخصیات سے گفتگو بھی شامل ہے۔

مبینہ آڈیو لیک ، شہباز شریف کے بھارت سے خفیہ تعلقات بے نقاب

شہباز شریف کی مبینہ آڈیو لیک ہوگئی، بھارت سے خفیہ تعلقات بے نقاب ہوگئے۔

 وزیراعظم شہباز شریف سے منسوب کردہ ایک آڈیو لیک منظر عام پر آئی ہے جس میں ایک سرکاری افسر مبینہ طور پر شہباز شریف سے ان کی بھتیجی مریم نواز شریف کی سفارشوں کے حوالے سے گفتگو کرتے سنائی دے رہے ہیں۔

مبینہ آڈیو میں سرکاری افسر نے شہباز شریف کو مریم نوازشریف کی جانب سے اپنے داماد راحیل کیلئے بھارت سے پاور پلانٹ امپورٹ کرنے سے متعلق سفارش کے حوالے سے آگاہ کیا۔

شہباز شریف نے مریم کے داماد کیلئے سرکاری افسر پر دباؤ ڈالا جس پر سرکاری افسر نے کہا کہ سر یہ کام بہت مشکل ہے، پہلے یہ ای سی سی میں جائے گا پھر کابینہ میں آئے گا ، اس پر شدید ردعمل آنے کی توقع ہے، یہ ہمارے گلے پڑجائے گا۔

سرکاری افسر نے کہا کہ مریم نواز شریف نے 2 کام میرے ذمہ لگائے تھے، ایک تو کسی سوسائٹی میں گرڈ اسٹیشن کیلئے کہا تھا وہ تو ہم کررہے ہیں جس پر شہباز شریف نے افسر سے کہا کہ نے کہا کہ وہ تو نیشنل وےمیں ہوجائے گا اسے کروادیں لیکن انڈیا سے مشنری لانا یہ مشکل کام ہے، چپکے سے بھی نہیں کرسکتے ، ای سی سی میں ڈسکس ہوگا تو مسئلہ بنے گا، آپ طریقے سے پہلے انہیں آگاہ کردیں پھر میں انہیں سمجھادوں گا۔