برطانوی ہائی کمشنر کرسچن ٹرنر نے نوشہرہ میں سیلاب سے متاثرہ دیہات سمیت فلڈ ریلیف کیمپ کا دورہ کیا ہے۔
اس حوالے سے ترجمان برطانوی ہائی کمشن کا کہنا ہے کہ نوشہرہ میں برطانوی خیراتی تنظیم اسلامک ریلیف متاثرہ افراد کو جان بچانے والی امداد فراہم کر رہی ہے اور اعلان شدہ 15 ملین پاؤنڈز کی اضافی رقم فوری طور پر زندگی بچانے والی امداد کے لیے خرچ کی جائے گی۔
انہوں نے بتایا کہ متاثرین کے ساتھ اظہار یکجہتی کرتے ہوئے، برطانوی ہائی کمشنر نے پاکستان کے ساتھ برطانیہ کے عزم کا اعادہ کیا ہے۔
انہوں نے کہا کہ اس دوران برطانوی ہائی کمشنر نے گاؤں کاکول آباد کا بھی دورہ کرتے ہوئے متاثرین سے ملاقات کی ہے اور سیلاب کے دوران ہونے والے نقصانات پر دکھ کا اظہار کرتے ہوئے متاثرین کو برطانیہ کی جانب سے تعاون جاری رکھنے کا یقین دلایا ہے۔
اس حوالے سے اپنے خیالات کا اظہار کرتے ہوئے برطانوی ہائی کمشنر کرسچن ٹرنر نے کہا ہے کہ جن لوگوں سے میں آج ملا ہوں وہ مضبوط ہیں، یہ لوگ دوبارہ تعمیرات کریں گے لیکن انہیں پانی، صفائی اور پناہ گاہ کے ساتھ فوری مدد کی ضرورت ہے۔
انہوں نے یقین دلایا ہے کہ برطانیہ اس کی فراہمی میں مدد کر رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News