یوم دفاعِ کے موقع پر سربراہ پاک بحریہ کا پیغام جاری

شعیب برنی

06th Sep, 2022. 09:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوم دفاعِ کے موقع پر سربراہ پاک بحریہ کا پیغام جاری

یوم دفاعِ کے موقع پر سربراہ پاک بحریہ کی جانب سے پیغام جاری کردیا گیا ہے۔

تفصیلات کے مطابق یوم دفاعِ پاکستان کے موقع پر سربراہ پاک بحریہ ایڈمرل محمد امجد خان نیازی نے پیغام جاری کرتے ہوئے کہا کہ چھ ستمبر ہماری قومی تاریخ کا ایک یادگار دن ہے۔

سربراہ پاک بحریہ کا کہنا ہے کہ یہ دن دشمن کی جارحیت کے خلاف پاکستانی قوم کے بے مثال اتحاد اور پختہ عزم کی یاد دلاتا ہے، پوری قوم نے افواج پاکستان کے شانہ بشانہ دشمن کی جارحیت کو شکست فاش دی۔

انہوں نے کہا کہ یہ دن شہداء اور غازیوں کی بے مثال بہادری اور قربانیوں کو سلام پیش کرنے کا دن ہے جبکہ پاک بحریہ عہد حاظر کے چیلنجز سے نمٹنے کیلئے بھی ہمہ وقت تیار ہے۔

نیول چیف کا کہنا تھا کہ پاک بحریہ حالیہ سیلاب سے متاثرہ ہم وطنوں کی ہرممکن مدد کے لیے کوشاں ہے۔

سربراہ پاک بحریہ کا مزید کہنا تھا کہ آج پاک بحریہ کے تمام آفیسرز، جوان اور سویلینز ملکی بحری سرحدوں کے دفاع کیلئے اپنے عزم کو دہراتے ہیں تاکہ آنے والی نسلوں کیلئے ایک ترقی یافتہ اور پر امید مستقبل مہیا کیا جا سکے۔

یہ بھی پڑھیں: 6 ستمبر، ملک بھر میں یوم دفاع دلی جوش و جذبے سے منایا جائیگا