صدر مملکت ڈاکٹر عارف علوی کا اظہار افسوس:

وزیراعظم کا اظہار افسوس:

وزیراعطم نے اس حوالے سے اپنے پیغام میں کہا ہے کہ ہرنائی بلوچستان میں پاک فوج کے ہیلی کاپٹر کے حادثے میں 2 پائلٹس سمیت 6 فوجی اہلکاروں کی شہادت پر دل شدید دکھی اور رنجیدہ ہے۔

انہوں نے کہا ہے کہ اللہ تعالی سے دعا ہے کہ وہ شہداء کو جنت الفردوس میں جگہ عطا فرمائے اور ان کے لواحقین کو صبر جمیل دے۔

انہوں نے مزید کہا کہ پوری قوم غمزدہ خاندانوں کے دکھ میں شریک ہے۔

وزیر خارجہ کا اظہار افسوس:

وزیر خارجہ بلاول بھٹو زرداری کی جانب سے ہرنائی میں آرمی ہیلی کاپٹر حادثہ پر افسوس کا اظہار کیا گیا ہے۔

پی پی پی چیئرمین نے حادثے میں شہید ہونے والے میجرمحمد منیب افضل اور میجرخرم شہزاد کو خراج عقیدت پیش کرتے ہوئے شہداء کے لواحقین سے دلی تعزیت اور یکجہتی کا اظہار  کیا ہے۔

انہوں نے کہا ہے کہ حالت جنگ ہو یا امن، مسلحہ افواج کے افسران و جوانوں کی ارضِ وطن کے لیے قربانیاں ناقابلِ فراموش ہیں۔

وفاقی وزیر اطلاعات کا اظہار افسوس:

وفاقی وزیر اطلاعات نے حادثہ میں شہید ہونے والے پاک فوج کے افسران و جوانوں کی شہادت پر لواحقین سے تعزیت کا اظہار کیا ہے۔

انہوں نے کہا ہے کہ ہر مشکل اور آزمائش میں افواج پاکستان کی قربانیاں ناقابل فراموش ہیں اور حادثے میں جام شہادت نوش کرنے والے ملک و قوم کے محسن ہیں۔

انہوں نے مزید کہا کہ پوری قوم اپنے شہداء کو ان کی عظیم قربانیوں پر سلام پیش کرتی ہے۔

وزیر داخلہ رانا ثناءاللہ کا اظہار افسوس:

وزیر داخلہ رانا ثناءاللہ کاہرنائی ہیلی کاپٹر حادثے میں پاک افواج کے افسروں اوراہلکاروں کی شہادت پر گہرے دکھ اورافسوس کااظہار کیا ہے۔

اس حوالے سے رانا ثناء اللہ نے کہا ہے کہ وطن کی حفاظت میں جام شہادت نوش کرنے والے شہداء قوم کے محسن ہیں تاہم ہیلی کاپٹر حادثہ انتہائی المناک ہے۔شہادتوں کی اطلاع پر دلی رنج ہوا ہے۔

اس موقع پر وزیر داخلہ رانا ثناءاللہ نے شہداء کی بلندی درجات اور اہلِ خانہ کیلئے صبر جمیل کی دعا بھی کی ہے۔

وزیراعلیٰ پنجاب پرویز الٰہی کا اظہار افسوس:

وزیراعلیٰ پنجاب چوہدری پرویز الٰہی نے کہا ہے کہبلوچستان میں فلائنگ مشن کے دوران پاک آرمی کے ہیلی کاپٹر گرنے کے واقعہ پرگہرا دکھ اورافسوس ہوا ہے۔

انہوں نے کہا کہ شہداء نے اپنی زندگیاں فرض کی ادائیگی پر قربان کیں، ان کے اہل خانہ سے دلی ہمدردی ہے۔

انہوں نے مزید کہا کہ قوم کو شہداء کی فرض شناسی پر فخر ہے اور شہید ہونے والے فوجی افسران قوم کے ہیرو ہیں۔

وزیراعلیٰ سندھ کا اظہار افسوس:

وزیراعلیٰ سندھ سید مراد علی شاہ نے بھی پاک فوج کے ہیلی کاپٹر کے حادثے پر گہرے دکھ کا اظہار کرتے ہوئے شہید ہونے والے اہلکاروں کے خاندانوں سے تعزیت کا اظہار کیا ہے۔