حافظ سعد حسین رضوی نے کہا ہے کہ سات ستمبر کا دن پاکستان اور دنیا بھر کے مسلمانوں کے لیے تحفظ ختم نبوت کے عزم کا ایک یاد گار اور تاریخی دن ہے۔

تفصیلات کے مطابق امیر تحریک لبیک پاکستان حافظ سعد حسین رضوی نے 7ستمبر یوم ختم نبوت کے موقع پر اپنے ایک بیان میں کہا کہ آئین اور قانون مقدم ضرور ہے لیکن ختم نبوت ﷺ کا تحفظ سب سے پہلے ہے۔

انہوں نے کہا کہ سات ستمبر کا دن پاکستان اور دنیا بھر کے مسلمانوں کے لیے تحفظ ختم نبوت کے عزم کا ایک یاد گار اور تاریخی دن ہے، یوم ختم نبوت پوری امت مسلمہ کے لیے انتہائی تاریخی اہمیت کا حامل بھی ہے۔

 حافظ سعد حسین رضوی کا کہنا تھا کہ بلاشبہ خاتم النبیین محمد ﷺ کو آخری نبی تسلیم کرنااسلام کی اساس اور بنیاد ہے۔

امیر تحریک لبیک پاکستان کا یہ بھی کہنا تھا کہ دشمنان اسلام کی جانب سے ہر دور میں مسلمانوں کو اسلام سے گمراہ کرنے کی کوششیں کی جاری رہی ہیں۔

انہوں نے کہا کہ قانون ساز اسمبلی نے مشترکہ طور پر تاریخ ساز فیصلہ دیتے ہوئے متفقہ طور پرقادیانیوں، احمدیوں اور مرزائیوں کو غیر مسلم اقلیت قرار دیا، مشن ناموس رسالت سے ایک انچ بھی پیچھے نہیں ہٹیں گے۔

امیر تحریک لبیک پاکستان حافظ سعد حسین رضوی نے مزید کہا کہ تحریک لبیک پاکستان کا وجود ہی ناموس رسالت کی پاسداری پر قائم ہوا تھا، مسلمان حضورﷺ کی ناموس کے لئے اپنی جان کی قربانی دینے کے لئے ہمہ وقت تیار ہیں۔