کسی صورت بھی عوامی کاموں میں کوتاہی برداشت نہیں کی جائے گی، ناصر حسین شاہ

ویب ڈیسک

29th Sep, 2022. 06:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

کسی صورت بھی عوامی کاموں میں کوتاہی برداشت نہیں کی جائے گی، ناصر حسین شاہ
پنجاب حکومت آلودگی پر قابو پانے میں مکمل ناکام، لاہور کی فضا خطرناک حد تک آلودہ
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق

Now Reading:

کسی صورت بھی عوامی کاموں میں کوتاہی برداشت نہیں کی جائے گی، ناصر حسین شاہ

ناصر حسین شاہ نے کہا ہے کہ کسی صورت بھی عوامی کاموں میں کوتاہی برداشت نہیں کی جائے گی۔

تفصیلات کے مطابق وزیر بلدیات سندھ سید ناصر حسین شاہ اور وزیر محنت سندھ سعید غنی نے کراچی شہر کے مختلف علاقوں کا دورہ کیا۔

وزیر بلدیات سندھ سید ناصر حسین شاہ نے کراچی میں جاری ترقیاتی منصوبوں اور صفائی ستھرائی کی صورتحال کا جائزہ لیا۔

انہوں نے کہا کہ کسی صورت بھی عوامی کاموں میں کوتاہی برداشت نہیں کی جائے گی جبکہ چند مقامات پر کام کی رفتار سست ہونے پر وزیر بلدیات سخت برہم بھی ہوئے۔

ناصر حسین شاہ نے کہا کہ چئیرمین بلاول بھٹو زرداری اور وزیراعلیٰ سندھ کی خصوصی ہدایات ہیں کہ کراچی کے شہریوں کو تکلیف نہیں ہونی چاہیے اور تمام منصوبے بروقت مکمل ہونے چاہئیں۔

ان کا کہنا تھا کہ سولڈ ویسٹ مینجمنٹ اپنا کام بہترین طریقے سے سرانجام دے رہا ہے مگر کچھ جگہوں پر شکایات ہیں جن کا فوری حل ہونا چاہیئے۔

وزیر بلدیات ناصر حسین شاہ نے مزید کہا کہ بارشوں کے بعد سیوریج کے مسائل حل کرنے کے لئے دن رات واٹر بورڈ کا عملہ سڑکوں پر موجود ہے اور مسائل کا حل کررہا ہے۔

صوبائی وزراء کا کہنا تھا کہ ہماری پوری کوشش ہے کہ عوام کو کم سے کم مشکلات ہوں اور انھیں فوری ریلیف فراہم کیا جائے۔

اس موقع پر سیکرٹری بلدیات سندھ نجم احمد شاہ اور دیگر افسران بھی انکے ہمراہ موجود تھے۔