ماہر معاشیات مزمل اسلم نے کہا ہے کہ اسحاق ڈار کا میٹر آئی ایم ایف سے بھی تیز چل رہا ہے۔

سماجی رابطے کی ویب سائٹ ٹوئٹر پر پانے جاری کردہ بیان میں مزمل اسلم نے کہا کہ آئی ایم ایف نے پیٹرول پر 40 روپے فی لیٹر لیوی کی ڈیمانڈ کی ڈار صاحب نے 47.5 فی لیٹر کر دیا، ان کا میٹر آئی ایم ایف سے بھی تیز چل رہا ہے۔

اسحاق ڈار اب تک عالمی مالیاتی اداروں سے ریلیف حاصل کرنے اور سیلاب کی مد میں کوئ خبر خواہ پیش رفت نہیں کر سکے۰ الٹا قرضوں کی واپسی کو موخر کروانے کی تجویز زیر غور ہے۰ اب تک تو یہ کہا جارہا تھا ہم نے ملک کو دیوالیہ سے بچا لیا۰ پہر کیوں اس کی ضرورت پڑھی؟

— Muzzammil Aslam (@MuzzammilAslam3) October 16, 2022

 پی ٹی آئی رہنما نے کہا کہ پاکستان سے جاتے ہوئے تو کہہ کر گئے تھے میں آئی ایم ایف سے مزید کمی کی بات کروں گا۔

‘اسحاق ڈار اب تک ریلیف حاصل کرنے میں کوئی پیش رفت نہیں کرسکے’

ماہر معاشیات کا کہنا ہے کہ اسحاق ڈار اب تک عالمی مالیاتی اداروں سے ریلیف حاصل کرنے اور سیلاب کی مد میں کوئی خبر خواہ پیش رفت نہیں کر سکے۔

 مزمل اسلم نے مزید کہا کہ الٹا قرضوں کی واپسی کو موخر کروانے کی تجویز زیر غور ہے، اب تک تو یہ کہا جارہا تھا ہم نے ملک کو دیوالیہ سے بچا لیا، پھر کیوں اس کی ضرورت پڑھی؟

حکومت نے شہریوں کو پیٹرول کی قیمت میں بڑے ریلیف سے محروم کردیا

حکومت نے شہریوں کو پیٹرول کی قیمت میں بڑے ریلیف سے محروم کردیا ہے۔

ذرائع کے مطابق وفاقی حکومت نے ایک بار پھر  پیٹرولیم مصنوعات کی قیمتیں بڑھادیں، پیٹرول پر فی لیٹر لیوی 14روپے 84 پیسے کا اضافہ کردیا گیا۔

ذرائع نے بتایا کہ پیٹرول پر فی لیٹر لیوی47 روپے 26 پیسے کردی گئی جبکہ اس سے قبل پیٹرول پر فی لیٹر لیوی 32 روپے 42 پیسے عائد تھی۔

اس کے علاوہ پیٹرول 14 روپے 84 پیسے فی لیٹر سستا کرنے کی ورکنگ کی گئی تھی، ہائی اسپیڈ ڈیزل 5 روپے 44 پیسے فی لیٹر مہنگا کرنے کی تجویز تھی۔

مٹی کے تیل کی قیمت میں 6 روپے 4 پیسے اضافے کی تجویز تھی جبکہ لائٹ ڈیزل آئل 8 روپے41 پیسے فی لیٹر مہنگا کرنے کی تجویز تھی۔

خیال رہے کہ حکومت نے 31 اکتوبر تک پیٹرولیم مصنوعات کی قیمتیں برقرار رکھنے کا فیصلہ کیا تھا۔