تاجروں کی جانب سے پریس کلب کے سامنے احتجاجی مظاہرہ جس دوران حکومت کے خلاف شدید نعرے بازی بھی کی گئی ہے۔

اس حوالے سے پاکستان تحریک انصاف کے کوارڈنیٹر برائے ٹریڈ ناصر سلمان  نے کہا ہے کہ تاجروں کا معاشی قتل 10 اپریل سے شروع ہوا   ہے اور تاجر اب اپنی دکانوں کا کرایہ اداکرنے سے بھی قاصر ہوچکاہے ۔

انہوں نے کہا کہ پاکستان بھر کے تاجر محب وطن ہیں اور جب بھی پاکستان پر مشکل وقت آیا تو تاجروں نے دل کھول کر عطیات دیئے ہیں۔

انہوں نے بتایا کہ موجودہ حکومت نے ضروریات زندگی کی ہر شے مہنگی کردی  ہے جس کی وجہ سے بجلی کے بلوں میں تباہ کن اضافہ ہو چکا جبکہ گیس کی قیمت میں 65 فیصد تک اضافہ کردیا گیا ۔

ناصر سلمان کا کہنا تھا کہ تاجر اپنے بچوں کے روز گار کے لئے اسی ملک سے کماتے ہیں  تو ہمیں دوسرے ممالک میں کاروبار منتقل کرنے پر کیوں مجبور کیا جارہا ہے ؟

ان کا کہنا تھا کہ فیصل آباد کی فیکٹریاں بند ہورہی ہیں ،آئی پی پیز کو نوازنے کیلئے لودشیڈنگ بھی کی جارہی ہے  اور منظم سازش کے تحت پاکستان کے زرمبادلہ کو گرایا جارہا ہے ۔

انہوں نے بتایا کہ تاجروں کا مطالبہ ہے کہ بجلی کے بلوں میں اضافہ فوری واپس لیا جائے اور اگر حکومت نے اپنی روش کو نہ بدالا اور مطالبات نہ مانے گئے تو تاجر سڑکوں پر ہونگے  اور تاجر برادری اسلام آباد کا گھیراؤ کرے گی ۔