کشمیریوں کی قربانیوں کے نتیجے میں آج بھی مسئلہ کشمیر زندہ ہے، قمر زمان قائرہ

اللہ دتہ خان

20th Oct, 2022. 01:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کشمیریوں کی قربانیوں کے نتیجے میں آج بھی مسئلہ کشمیر زندہ ہے، قمر زمان قائرہ

مشیر امور کشمیر قمر الزمان کائرہ نے کہا ہے کہ کشمیریوں کی قربانیوں کے نتیجے میں آج بھی مسئلہ کشمیر زندہ ہے۔

تفصیلات کے مطابق مشیر امور کشمیر قمر الزمان کائرہ نے مسئلہ کشمیر پر منقعد کانفرس سے خطاب کرتے ہوئے کہا کہ بھارت مقبوضہ کشمیر کا مقدمہ ہار چکا ہے۔

انہوں نے کہا کہ کشمیر کے ساتھ ہر پاکستانی کا دل دھڑکتا ہے پاکستان میں حکومت چاہے کوئی بھی ہو لیکن اسکا مسئلہ کشمیر سے لگاؤ ایک جیسا ہوتا ہے۔

انہوں نے مزید کہا کہ پاکستان کی تمام سیاسی جماعتیں مسئلہ کشمیر پر متفق ہیں اور کشمیر پر ہم نے منزل حاصل کرنی ہے۔

قمر زمان قائرہ نے بتایا کہ وزیراعظم ہر فورم پر دنیا کو مسئلہ کشمیر سے آغاز کر رہے ہیں اور وزیراعظم کی طرف سے مسئلہ کشمیر اٹھانے پر بھارت کو تکلیف ہوئی ہے ۔

ان کا کہنا تھا کہ کشمیر پاکستان کی تکمیل کا نا مکمل ایجنڈا ہے اور پاکستان کو اقوام عالم کے ساتھ ملکی سطح پر مسئلہ کشمیر سامنے رکھنے کی ضرورت ہے۔

اس سے قبل وزارت امور کشمیر و گلگت بلتستان کے زیر اہتمام اسلام آباد میں مسئلہ کشمیر پر جوڈیشل کنسلٹیٹو کانفرنس کا انعقاد کیا گیا۔

اس دوران انہوں نے کہا کہ اس کانفرنس کا مقصد مقبوضہ کشمیر کی موجودہ صورتحال پر آزاد کشمیر کی لیگل فریٹرنیٹی سے رہنمائی حاصل کرنا ہے۔

انہوں نے کہا کہ بھارت مقبوضہ کشمیر کی ڈیموگرافی تبدیل کرنے کی کوشش کر رہا ہے جس کے لیے وہ اسرائیل کی پالیسی پر عمل پیرا ہے۔

قمر زمان قائرہ نے کہا کہ کشمیر کے حریت پسندوں نے اپنے حق خودارادیت کے حصول کے لیے لازوال قربانیاں دیں ہیں اور مسلہ کشمیر پر پوری پاکستانی قوم متحد ہے۔

ان کا کہنا تھا کہ مسئلہ کشمیر سے متعلق ملک کے اندر نوجوان نسل کی آگاہی میں بھی اضافہ کرنا ضروری ہے، اس پر مکالمہ وقت کی اہم ضرورت ہے۔

انہوں نے ہدایات جاری کی کہ پاکستان کی مختلف یونیورسٹیوں سے رابطہ کر کر کشمیر چئیر کا قیام عمل میں لایا جائے ۔