پاکستان تحریک انصاف (پی ٹی آئی ) کے  رہنما اور سینیٹر  اعظم سواتی کو گرفتار کرلیا گیا ہے۔

تفصیلات کے مطابق پاکستان تحریک انصاف کے مرکزی رہنما سینیٹر اعظم خان سواتی کو ممنوعہ فنڈنگ کیس میں اسلام آباد سے گرفتار کر لیا گیا۔

ذرائع کا کہنا ہے کہ ‏ ایف آئی اے نے سینیٹر اعظم سواتی کو رات 3 بجے اُنکی رہائشگاہ سے گرفتار کیا ۔

ایف آئی اے کی تردید

سینیٹر اعظم سواتی کی گرفتاری کے معاملے پر ایف آئی اے کی جانب سے تردید کر دی گئی ہے۔

ایف آئی اے کا کہنا ہے کہ اعظم سواتی ایف آئی اے کو کسی کیس میں مطلوب نہیں۔

 ایف آئی اے نے مزید بتایا کہ اعظم سواتی  ممنوعہ فنڈنگ کیس میں بھی شامل نہیں۔

 اعظم سواتی اسلام آباد ڈسٹرکٹ سیشن عدالت میں پیش

گرفتاری کے بعد  اعظم سواتی کو سینئر سول جج شبیر بھٹی کی عدالت میں پیش کر دیا گیا ہے  جہاں ایف آئی اے کی جانب سے اعظم سواتی کے 7 روزہ جسمانی ریمانڈ کی استدعا کی گئی۔

  عدالت میں اعظم سواتی کے وکلا نے مؤقف اختیار کیا کہ ان کے مؤکل کو صرف سیاسی بنیادوں پر کو گرفتار کیا گیا ہے، اعظم سواتی پر رات گئے بدترین تشدد کیا گیا۔

  عدالت نے ایف آئے اے کی  جسمانی ریمانڈ کی استدعا پر فیصلہ سناتے ہوئے اعظم سواتی کا 2 روز کا جسمانی ریمانڈ منظور کرلیا۔

مزید برآں عدالت نے  حکم دیا کہ اعظم سواتی کا فوری طورپر پمز اسپتال میں میڈیکل کروائیں جس کے بعد ایف آئی اے اعظم سواتی کو لے کر پمز اسپتال روانہ ہوگئی ہے۔