میاں اسلم اقبال نے کہا ہے کہ عوام کی خدمت اور کمزور طبقات کی زندگیوں میں آسانیاں پیدا کر نا پنجاب حکومت کی پہلی ترجیح ہے۔

تفصیلات کے مطابق صوبائی وزیر میاں اسلم اقبال نے پی پی 151 کے مختلف علاقوں کا دورہ کیا اور ترقیاتی منصوبوں کا افتتاح کیا۔

میاں اسلم اقبال نے کہا کہ ن لیگ نے قومی وسائل لوٹے، ہم نے وسائل عوام کو سہولتوں کی فراہمی پر خرچ کئے، جن کی کرپشن پر کتابیں لکھی گئیں، نیب ان کے کیسز ختم کررہا ہے

انہوں نے یہ بھی کہا کہ بڑے چوروں کے لئے بریت اور چھوٹے چوروں کیلئے جیل، یہ انصاف کا قتل ہے، ہمارا مقابلہ فسطائیت کی سوچ رکھنے والے کرپٹ مافیا سے ہے۔

سینئر صوبائی وزیر کا کہنا تھا کہ سزا یافتہ مجرم 50روپے کے اسٹامپ پیپر پر باہر بیٹھا ہے، لندن کے جن محلات سے لا تعلقی ظاہر کررہے تھے انہیں میں رہ رہے ہیں۔

ان کا یہ بھی کہنا تھا کہ سازش کے ذریعے ملک پر مسلط مجرموں کے جانے کا وقت آگیا، تاریخی لانگ مارچ کرپٹ ٹولے کے تابوت میں آخری کیل ثابت ہوگا

میاں اسلم اقبال نے کہا کہ عوام کی خدمت اور کمزور طبقات کی زندگیوں میں آسانیاں پیدا کر نا پنجاب حکومت کی پہلی ترجیح ہے، ملک کے مقبول ترین لیڈر کو مائنس کرنے کی مافیا کی کوشش کامیاب نہیں ہوگی

اب کا کہنا تھا کہ عوام نے ن لیگ کے ونگ کے طور پر کام کرنے والے الیکشن کمیشن کے بددیانتی پر مبنی فیصلے کو مسترد کردیا، عمران خان کی قیادت میں تاریخی لانگ مارچ سے ملک کے مستقبل کا فیصلہ ہوگا۔

صوبائی وزیر میاں اسلم اقبال کا مزید کہنا تھا کہ ملکی معیشت کو مزید تباہی سے بچانے کیلئے ہرایک کو عمران خان کے ساتھ کھڑا ہونا ہوگا۔