پنجاب حکومت عوام کی فلاح و بہبود کے مشن کو جاری رکھے گی، فیاض چوہان

ویب ڈیسک

20th Oct, 2022. 08:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پنجاب حکومت عوام کی فلاح و بہبود کے مشن کو جاری رکھے گی، فیاض چوہان
جلالپورپیروالا: سیلابی پانی میں ڈوبنے سے مزید دو افراد جاں بحق، فضاء سوگوار
ڈی جی آئی ایس پی آر کا بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز کوئٹہ کا دورہ
کورکی میں مقامی قبائل اور فتنہ الہندوستان کےدرمیان جھڑپ 4 دہشتگرد ہلاک،2 زخمی

Now Reading:

پنجاب حکومت عوام کی فلاح و بہبود کے مشن کو جاری رکھے گی، فیاض چوہان

فیاض الحسن چوہان نے کہا ہے کہ پنجاب حکومت عوام کی فلاح و بہبود کے مشن کو جاری رکھے گی۔

تفصیلات کے مطابق ترجمان وزیر اعلیٰ پنجاب فیاض الحسن چوہان نے اپنے ایک بیان میں کہا کہ عوامی خدمت کے مشن کو جاری رکھتے ہوئے ترقی میں پنجاب سب سے آگے ہے۔

انہوں نے کہا کہ پاکستان کی تاریخ میں پہلی مرتبہ پنجاب حکومت نے ڈیمنشیا پلان کا آغاز کیا ہے جبکہ 3 ارب 91 کروڑ کی لاگت سے بننے والا شاہکام فلائی اوور پنجاب کا اسٹیٹ آف دی آرٹ منصوبہ ہے۔

فیاض الحسن چوہان نے کہا کہ وزیر اعلیٰ پرویز الٰہی نے گورننس کو مزید بہتر بنانے کیلئے انتظامی لحاظ سے پنجاب کو 5 اضلاع میں تقسیم کیا ہے جبکہ پنجاب حکومت نے نکاح نامے میں ختم نبوت کا حلف نامہ لازمی قرار دے کر تاریخی اقدام کیا ہے۔

انہوں نے کہا کہ مخالف پراپیگنڈا کرتے رہیں، پنجاب حکومت عوام کی فلاح و بہبود کے مشن کو جاری رکھے گی۔

ان کا کہنا تھا کہ وفاق کی جانب سے پنجاب کے ساتھ سوتیلی ماں والا سلوک کیا جا رہا ہے، وفاقی حکومت پنجاب کو نہ تو گندم فراہم کر رہی ہے اور نہ ہی گندم خریدنے کی اجازت دے رہی ہے۔

ترجمان وزیر اعلیٰ پنجاب فیاض الحسن چوہان نے مزید کہا کہ تیرہ رنگی حکومت خود کو سنبھال نہیں سکتی اور پنجاب کے خواب دیکھ رہی ہے۔