تحریک انصاف کیخلاف احتجاج اور توڑ پھوڑ کا مقدمہ درج

نور الامین دانش

22nd Oct, 2022. 12:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تحریک انصاف کیخلاف احتجاج اور توڑ پھوڑ کا مقدمہ درج

پاکستان تحریک انصاف کے خلاف گزشتہ روز فیض آباد میں احتجاج اور توڑ پھوڑ کا مقدمہ درج کرلیا گیا ہے۔

تفصیلات کے مطابق الیکشن کمیشن کے فیصلے کے بعد تحریک انصاف کے کارکنان کی جانب سے فیض آباد میں احتجاج کرنے اور توڑ پھوڑ کرنے کے خلاف مقدمہ درج کرلیا گیا ہے۔

مقدمہ سرکار کی مدعیت میں تھانہ آئی نائن میں دہشتگردی ایکٹ کے تحت درج کیا گیا ہے جس میں سنیٹر فیصل جاوید ،سمیت سات افرادملزم نامزد ہیں۔

مقدمے میں دہشتگردی ایکٹ سمیت اقدام قتل، پولیس کے ساتھ مزاحمت، بلوا کرنے سمیت 9 دفعات شامل کی گئیں ہیں۔

خیال رہے کہ گزشتہ روز توشہ خانہ فیصلے کے بعد الیکشن کمیشن کے باہر فائرنگ کا واقعہ پیش آیا ہے۔

چیف الیکشن کمشنر نے چیف کمشنر اسلام آباد سے رابطہ کیا الیکشن کمیشن کے باہر فائرنگ پر شدید اظہار برہمی بھی کیا۔

اسکے علاوہ پی ٹی آئی کارکان کی جانب سے ملک کی مختلف اہم شاہراوں پر احتجاج بھی کیا گیا جبکہ الیکشن کمیشن کے خلاف شدید نعرے بازی بھی کی۔