اسمبلی قواعد میں ترامیم، کسی رکن کو پارلیمنٹ کے احاطے سے گرفتار نہیں کیا جائے گا

علی شیر

20th Oct, 2022. 12:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسمبلی قواعد میں ترامیم، کسی رکن کو پارلیمنٹ کے احاطے سے گرفتار نہیں کیا جائے گا

اسمبلی قواعد میں ترامیم کے بعد اب کسی رکن کو پارلیمنٹ کے احاطے سے گرفتار نہیں کیا جاسکے گا۔

تفصیلات کے مطابق کسی بھی رکن کو پارلیمنٹ کے احاطے سے گرفتار یا حراست میں لینے کے لئے اسپیکر کی پہلے سے لازمی اجازت لینے کی ترمیم قومی اسمبلی میں پیش کی گئی۔

قومی اسمبلی قواعد میں ترمیم وفاقی وزیر پارلیمانی امور مرتضی جاوید عباسی نے پیش کی۔

ترامیم کے مطابق کسی رکن کو پارلیمنٹ کے احاطے سے گرفتار نہیں کیا جائے گا اور رکن کی گرفتاری سے قبل اسپیکر کو وجوہات گرفتاری سے قبل بتانا ہونگی جبکہ پروڈکشن آرڈر جاری ہونے کے بعد رکن کی پارلیمنٹ لاجز کی رہائش گاہ کو سب جیل قرار دیا جائے گا ۔

بعدازاں اسمبلی قواعد میں ترامیم کی قومی اسمبلی نے منظوری دے دی ہے۔

اس حوالے سے وفاقی وزیر دفاع خواجہ آصف نے کہا کہ پروڈکشن آرڈر کا سیاسی استعمال کیا جاتا رہا ہے۔

انہوں نے کہا کہ ان ترامیم کے بعد پارلیمنٹ لاجزمیں گرفتار رکن کی رہائش گاہ کو سب جیل قرار دیا جائے گا اور یہ ترمیم لازمی شامل کی جائے کہ پروڈکشن آرڈر لازمی جاری ہوں گے۔