سول ایوی ایشن اتھارٹی میں میں پیسے لیکر بوگس بھرتیاں کرانے کا انکشاف ہوا ہے جس کے بعد اعلیٰ افسران کے خلاف مقدمہ درج کر کے تحقیقات کا اغاز کردیا گیا ہے۔
تفصیلات کے مطابق سی اے اے کے افسران کا لاکھوں روپے لیکر ملازمتیں فروخت کرنے کا نیا اسکینڈل سامنے آیا ہے۔
اس حوالے سے ایف آئی ے نے سول ایوی ایشن اتھارٹی افسران کے خلاف مقدمہ درج کرکے تحقیقات شروع کردی ہے ۔
ایف آئی اے کو موصول ہونے والی درخواست میں بتایا گیا ہے کہ ملتان ایئرپورٹ پر الیکٹریکل مکینکل شعبہ کے انچارج مجاہد پرویز نے ڈیڑھ لاکھ روپے لیکر محمد علی ملک کو سی اے اے میں عارضی ملازمت دلائی گئی ہے۔
درخواست میں بتایا گیا ہے کہ مجاہد پرویز اپنے اور دوست کے گھر کا بجلی کا مفت کام بھی کراتا رہا ہے۔
علاوہ ازیں ملتان ایئرپورٹ کے ایئرپورٹ منیجر مبارک شاہ اور ایڈیشنل ڈائریکٹر ایچ آر سی اے اے ہیڈکوارٹرز خرم عدنان عثمانی کے نام بھی درخواست میں شامل ہیں۔
ایف آئی اے نے ملزم مجاہد پرویز سمیت دیگر سی اے اے افسران کے خلاف مقدمہ نمبر 186/2022 درج کرکے تحقیقات شروع کردی ہے ۔
خیال رہے کہ ملک بھر کے ایرپورٹس پر سی اے اے کے اعلیٰ افسران ملی بھگت سے لاکھوں روپے لیکر بھرتیاں کرانے کی شکایات ہیں جس میں شہریوں کو مستقل ملازمت کے خواب دکھا کر لاکھوں روپے کے عیوض مبینہ طور عارضی ملازمت کے ذریعے بھرتیوں کا انکشاف ہوا ہے۔
واضح رہے کہ ملتان ایئرپورٹ پر جعلی بھرتیوں کی تحقیقات ایف آئی اے اینٹی کرپشن سرکل کی افسر شبانہ شمشیر کر رہی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News