سابق وفاقی وزیر شیخ رشید نے کہا ہے کہ ضمنی انتخابات میں عمران خان کی جیت عالمی ریکارڈ ہے۔

تفصیلات کے مطابق سماجی رابطے کی ویب سائٹ پر اپنے ایک پیغام میں سابق وزیر داخلہ شیخ رشید نے چیئرمین پی ٹی آئی کی جیت پر اپنے خیالات کا اظہار کیا ہے۔

عمران خان کا8میں سے6نشتیں جیتناعالمی ریکارڈہے16وزارتوں کی تحقیق اورتفشیش میں تمام اداروں کو میرے خلاف کوئی چیزنہیں ملی اب3مرلےکی لال حویلی نکال دی ہےلال حویلی کوئی نائن زیرونہیں ناہل حکمران اپنےلیےرسوائی اور ہمیں مزیدپزیرآئی دےرہےہیں لال حویلی ایک تاریخ ہےجسےکوئی ختم نہیں کرسکتا

Advertisement

— Sheikh Rashid Ahmed (@ShkhRasheed) October 17, 2022

شیخ رشید نے کہا ہے کہ عمران خان کا 8 میں سے 6 نشتیں جیتنا عالمی ریکارڈ ہے

انہوں نے کہا کہ 16 وزارتوں کی تحقیقات کے دوران اداروں کو میرے خلاف کچھ نہیں ملا تو اب تین مرلہ لال حویلی کو ایشو بنا دیا گیا ہے۔

Advertisement

pic.twitter.com/i1J2Ffze19

— Sheikh Rashid Ahmed (@ShkhRasheed) October 17, 2022

انہوں نے کہا کہ لال حویلی نائن زیرو نہیں ہے، لال حویلی ایک ایسی تاریخ ہے جسے کوئی مٹا نہیں سکتا ہے۔

انہوں نے کہا کہ نااہل حکمران خود کو شرمندہ کر رہے ہیں اور ہمیں مزید مقبول بنا رہے ہیں۔

خیال رہے کہ متروکہ وقف املاک بورڈ کی جانب سے عوامی مسلم لیگ کے صدر شیخ رشید احمد کو لال حویلی کی رہائش گاہ سے ملحقہ زمین اور کمرے سات دن کے اندر خالی کرنے کا نوٹس جاری کیا ہے۔

ای ٹی پی بی نے اپنے نوٹس میں کہا کہ سابق وزیر داخلہ شیخ رشید اور ان کے بھائی شیخ صادق نے جائیداد کا ‘قانونی قبضہ’ کھو دیا ہے کیونکہ انہوں نے نہ تو اتھارٹی کے نوٹس کا جواب دیا اور نہ ہی کرایہ کے بقایا جات ادا کیے ہیں۔

ای ٹی پی بی انتظامیہ نے یہ بھی انتباہ کیا کہ وہ سات دنوں کے اندر عدم تعمیل کی صورت میں جائیداد کو خالی کرانے کے لیے پولیس فورس کا استعمال کرے گی۔

ای ٹی پی بی کے ایک اہلکار نے بتایا کہ لال حویلی سے ملحقہ زمین کو سرونٹ کوارٹرز کے طور پر استعمال کیا جا رہا تھا۔