میاں اسلم اقبال نے کہا ہے کہ زندہ قومیں ہی ناانصافی کے خلاف آواز بلند کرتی ہیں۔

تفصیلات کے مطابق سینیر صوباٸی وزیر میاں اسلم اقبال نے محکمہ تعلقات عامہ کے زیر اہتمام سوشل میڈیا سیمینار سے خطاب کرتے ہوئے کہا کہ آج کے دور میں سوشل میڈیا کی اہمیت سے انکار نہیں کیا جا سکتا ہے۔

انہوں نے کہا کہ موروثی سیاست میں تبدیلی سوشل میڈیا کے زریعے ہی آٸی ہے جبکہ سوشل میڈیا نے معاشرے کے جمود کو بھی توڑا ہے۔

ان کا کہنا تھا کہ پہلی بار ہوا کہ ایک تیسری سیاسی جماعت دو پارٹیوں کو شکست دے کر آگے آئی ہے۔

ان کا یہ بھی کہنا تھا کہ میں یہاں موجود پی ٹی آٸی کے سوشل میڈیا مجاہدین کا شکر گزار ہوں۔

میاں اسلم اقبال نے کہا کہ پاکستان تحریک انصاف کے وژن کو عوام تک سوشل میڈیا ورکرز نے پہنچایا ہے جبکہ چیٸرمین تحریک انصاف عمران خان کا پیغام بھی سوشل میڈیا کے زریعے گھر گھر انہی ورکرز نے ہی پہچانا ہے۔

انہوں نے کہا کہ زندہ قومیں ہی درحقیقت ناانصافی اور لاقانونیت کےخلاف آواز بلند کرتی ہیں جبکہ انصاف ہی ہر ملک کی ترقی کی بنیاد ہے۔

ان کا کہنا تھا کہ کھوکھلا اور بے روح نظام انصاف کی فراہمی میں سب سے بڑی رکاوٹ ہے۔

  سینیر صوباٸی وزیر نے کہا کہ پی ٹی آٸی کا نظریہ ہی انصاف ہے بعض بیماریاں دوا سے نہیں سرجری سے ٹھیک ہوتی ہیں۔

انہوں نے کہا کہ پارلیمنٹ میں دوتہائی اکثریت ہو تو کوئی بلیک میل نہیں کرسکتا جبکہ عمران خان بھی اسی طاقت کی بات کرتے ہیں جو پارلیمنٹ اور عوام دیتے ہیں۔

ان کا کہنا تھا کہ سوشل میڈیا کو ناانصافی کے خلاف آواز بلند کرنے پر خراج تحسین پیش کرتا ہوں جبکہ پاکستان کے موجودہ مساٸل کا حل بھی انصاف کی بلاتفریق فراہمی میں ہی پوشیدہ ہے۔

ان کا یہ بھی کہنا تھا کہ پاکستان میں انصاف، آئین اور قانون کی بالادستی چیئرمین تحریک انصاف کا عزم ہے۔

سینیر صوباٸی وزیر میاں اسلم اقبال نے مزید کہا کہ اس عزم کی تکمیل کیلئے سوشل میڈیا ورکرز کو بھی اپنا مؤثر کردار ادا کرنا ہے۔