پاکستان تحریک انصاف کے رہنما سینیٹر اعجاز چوہدری نے کہا ہے کہ عمران خان کے خلاف تحریک عدم اعتماد ایک سازش تھی اور آج یہ سازش پوری دنیا کے سامنے عیاں ہے۔

پاکستان تحریک انصاف کے رہنما سینیٹر اعجاز چوہدری اور ملیکہ بخاری نے سپریم کورٹ کے باہر میڈیا ٹاک کرتے ہوئے کہا کہ  سپریم جوڈیشل کونسل میں چیف الیکشن کمشن کے خلاف ریفرنس دائر کردیا ہے۔

انہوں نے کہا کہ راجا پرویزاشرف نے مخصوص ممبران کےخلاف ریفرنس بھیجا  تھا اور ریفرنس اس چیف الیکشن کمشنرنےفوری قبول کرلیا جبکہ قاسم سوری نے پی ٹی آئی کے تمام استعفے منظور کئے  اور الیکشن کمیشن نے ان منظور استعفوں پر کوئی عمل نہیں کیا تھا۔

انہوں نے مزید کہا کہ درخواست دی ہے کہ تحریک انصاف کو ہدف نہ بنائیں اور اب دیکھناہےکہ انصاف کےایوان کیافیصلہ کرتےہیں ۔

اعجاز چوہدری نے کہا کہ چیف الیکشن کمشنر آئین کے تحت حلف لیتا ہے اور مگر دنیا نے دیکھا کہ موجودہ الیکشن کمشنر آئین کی خلاف کرہا ہے۔

ان کا کہنا تھا کہچیف الیکشن کمشنر کا فارن فنڈنگ کیس میں عمل جانبدارانہ ہے اور تمام جماعتوں کو چھوڑ کر پی ٹی آئی فنڈنگ کا فیصلہ دیا گیا۔

انہوں نے بتایا کہ کے پی بلدیاتی انتخابات موسم کی شدت کے باوجود الیکشن کمشنر نے ملتوی نہیں کیا جبکہ باقی ہر جگہ الیکشن کمشنر اپنی وفاداری دکھانے کیلئے ملتوی کرہا ہے۔

خیال رہے کہ پاکستان تحریک انصاف کی جانب سے آج چیف ایکشن کمشنر کے خلاف باضابطہ ریفرنس دائر کیا گیا ہے۔