کراچی میں آئندہ 24 گھنٹوں کے دوران مطلع صاف رہنے کا امکان ہے۔

محکمہ موسمیات کے مطابق شہر قائد کا کم سے کم درجہ حرارت 26 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 35 ڈگری سینٹی گریڈ ریکارڈ ہونے کا امکان ہے۔

محکمہ موسمیات نے بتایا کہ شہر میں 16 کلو میٹر فی گھنٹہ کی رفتارسے جنوب مغربی ہوا چل رہی ہے جبکہ ہوا میں نمی کا تناسب 85 فیصد ریکارڈ کیا گیا ہے۔

محکمہ موسمیات نے مزید بتایا کہ آج شہر کا مطلع صاف رہے گا البتہ آئندہ چوبیس گھنٹے تک شہر میں بارش کا امکان نہیں ہے۔

خیال رہے کہ آج ملک کے بیشتر علاقوں میں موسم خشک جبکہ وسطی و جنوبی علاقوں میں گرم رہے گا۔

بالائی خیبرپختونخوا اور گلگت بلتستان میں چند مقامات پر تیز ہواؤں اور گرج چمک کے ساتھ بارش کا امکان ہے۔

اسلام آباد

آج اسلام آباد میں موسم خشک رہنے کا امکان ہے جبکہ زیادہ سے زیادہ درجہ حرارت 33 ڈگری سینٹی گریڈ تک رہنے کا امکان ہے اور ہوا میں نمی کا تناسب 51 فیصد تک رہنے کا امکان ہے۔

خیبرپختونخوا

صوبہ خیبرپختونخوا کے بیشتر اضلاع میں موسم خشک رہے گا جبکہ دیر، چترال، سوات، مالاکنڈ اور پشاور میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش  کا امکان ہے۔

پنجاب

صوبہ پنجاب کے بیشتر اضلاع میں موسم خشک جبکہ وسطی اور جنوبی اضلاع میں گرم رہے گا۔

 بلوچستان

صوبہ بلوچستان کے بیشتر اضلاع میں موسم گرم اور خشک رہے گا جبکہ کوئٹہ میں کم سے کم درجہ حرارت 13ڈگری سینٹی گریڈ ریکارڈ کیا گیا۔

اس کے علاوہ گوادر میں کم سے کم 24، جیونی میں 21، اوڑمارہ اور پسنی میں 23ڈگری سینٹی گریڈ ریکارڈ کیا گیا۔

کشمیر/گلگت بلتستان

کشمیر میں مطلع جزوی ابر آلود جبکہ گلگت بلتستان میں مطلع جزوی ابر آلود رہنے کے علاوہ چند مقامات پر تیز ہواؤں اور گرج چمک کے ساتھ بارش کا بھی  امکان ہے۔