مری؛ مسافر بس حادثے کا شکار، 8 افراد زخمی

ویب ڈیسک

22nd Oct, 2022. 07:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مری؛ مسافر بس حادثے کا شکار، 8 افراد زخمی

مری میں مسافر بس حادثے کا شکار ہو گئی جس کے باعث 8 افراد زخمی ہو گئے ہیں۔

تفصیلات کے مطابق یہ واقعہ مری کے علاقے تریٹ کے قریب پیش آیا ہے جس کے نتیجے میں 8 افراد زخمی ہو گئے ہیں۔

ریسکیو ٹیم زخمیوں کو موقع پر ابتدائی طبی امداد دینے میں مصروف ہے۔

مسافر بس مری سے راولپنڈی جاتے ہوئے روڈ پر الٹی۔

ریسکیو 1122 کا کہنا ہے کہ حادثے میں کوئی جانی نقصان نہیں ہوا۔

واضح رہے کہ دنیا بھرمیں ٹریفک حادثے انسانی جانوں کے لیے ایک بڑے خطرے کے طور پر سامنے آ رہے ہیں، عالمی ادارہ صحت کے مطابق ہر سال لاکھوں افراد ٹریفک حادثات کی وجہ سے اپنی جانوں سے ہاتھ دھو بیٹھتے ہیں۔

ایک عالمی تحقیقاتی ادارے کے مطابق پاکستان میں ہلاکتوں کا باعث بننے والے پچاس عوامل اور بیماریوں میں ٹریفک حادثات پندرہویں نمبر پر ہیں۔

پاکستان میں ایڈز، ناقص خوراک، مرگی، تشدد کئی قسم کے سرطان اور خود کشیوں کی وجہ سے انفرادی طور پر ہونے والی اموات سے ٹریفک حادثات میں مرنے والے لوگوں کی تعداد زیادہ ہے۔

اس رپورٹ کے مطابق سب سے زیادہ ٹریفک حادثات موٹر سائیکل سواروں، آٹو رکشا والوں اور موٹر کاروں اور وینز چلانے والوں کو پیش آئے اس کے بعد بسوں اور ٹرکوں کے حادثات رپورٹ ہوئے ہیں۔