ارشد شریف کیس کی تحقیقات کا معاملہ، ایف آئی اے کا دبئی پولیس کو خط

ویب ڈیسک

29th Nov, 2022. 04:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ارشد شریف کیس کی تحقیقات کا معاملہ، ایف آئی اے کا دبئی پولیس کو خط

پاکستان کے سینئر اینکر پرسن اور معروف صحافی ارشد شریف کیس کی تحقیقات کے معاملے پر ایف آئی اے کی فیکٹ فائنڈنگ کی جانب سے دبئی پولیس کو خط لکھ دیا گیا ہے۔

خط کے متن میں کہا گیا ہے کہ ارشد شریف کو جاری کئے گئے ویزا اور ٹریول دستاویزات سمیت دبئی میں رہائش کی تمام تفصیلات فراہم کی جائیں۔

خط میں بتایا گیا ہے کہ رہائش گاہ کے ارد گرد کی تمام سی سی ٹی وی فوٹیج اور دبئ میں رہائش پزیر ہو تے ہوئے ارشد شریف کہاں کہاں گئے اور کس کس سے ملے اس کی تمام تفصیلات درکار ہیں۔

ایف آئی اے نے سوال اٹھایا کہ ارشد شریف کا ویزا کینسل کیا گیا؟ اگر ہاں تو کن وجوہات کی بنا پر کینسل کیا گیا ، اس کی تمام تر تفصیلات فراہم کی جائیں اسکے علاوہ ان کے نمبر کی سی ڈی آر فراہم کی جائیں۔

ایف آئی اے کی جانب سے ارشد شریف سے متعلق 10 اکتوبر سے 20 اکتوبر سے دبئی آنے والے پاکستانی پاسپورٹ ہولڈر کا ڈیٹا سمیت سلمان اقبال اور طارق وسیع کے نمبر کی سی ڈی آر بھی فراہم کرنے کی درخواست کی گئی ہے۔

ایف آئی اے نے سوال کیا ہے کہ بتایا جائے کہ یو اے ای حکومت کے کسی عہدے دار نے ارشد شریف کو ملک چھوڑنے کا کہا؟؟؟

خیال رہے کہ پاکستان کی جانب سے ارشد شریف کے قتیل کی تحقیقات کا سلسلہ تاحال جاری ہے جس سلسلے میں تحقیقاتی ٹیم نے کینیا کا بھی دورہ کیا تھا اور بنیادی رپورٹ بھی وارت داخلہ کو پیش کی گئی تھی۔