وفاقی حکومت کی نالائقی کی وجہ سے زراعت کو نقصان پہنچا ہے، عمر چیمہ

خاور

23rd Nov, 2022. 07:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی حکومت کی نالائقی کی وجہ سے زراعت کو نقصان پہنچا ہے، عمر چیمہ

مشیر داخلہ و اطلاعات پنجاب عمر سرفراز چیمہ نے کہا ہے کہ وفاقی حکومت کی نالائقی کی وجہ سے زراعت کو نقصان پہنچا ہے۔

تفصیلات کے مطابق پنجاب حکومت نے گنے کی کرشنگ کے لئے شوگر ملوں کو 25 نومبر تک چلانے کا حکم دیا ہے۔

انہوں نے کہا کہ ڈپٹی کمشنرز حضرات اس بات کو یقینی بنائیں کہ ملیں 25 نومبر تک چل جائیں اور جو مل 25 نومبر کو نہیں چلے گی اس کے خلاف قانون کے مطابق فوری کارروائی عمل میں لائی جائے گی۔

ان کا کہنا تھا کہ پنجاب حکومت نے پیداواری لاگت میں اضافے کے پیش نظر گنے کی امدادی قیمت 300 روپے فی من مقرر کی ہے جبکہ وفاقی حکومت کی نا اہلی اور نالائقی کی وجہ سے مل مالکان کو چینی ایکسپورٹ کرنے کی ابھی تک اجازت نہیں ملی ہے۔

مشیر داخلہ و اطلاعات پنجاب عمر سرفراز چیمہ نے مزید کہا کہ وفاقی حکومت کی نالائقی کی وجہ سے معیشت اور زراعت کو شدید نقصان پہنچا ہے۔