جنرل عاصم منیر نے 17ویں چیف آف آرمی اسٹاف کی حیثیت سے کمان سنبھال لی۔

سبکدوش ہونے والے چیف آف آرمی اسٹاف جنرل قمر جاوید باجوہ نے نئے آرمی چیف جنرل عاصم منیر کو کمان سونپ دی ہے۔

انہوں نے راولپنڈی میں جنرل ہیڈ کوارٹرز (جی ایچ کیو) میں منعقدہ ایک تقریب میں جنرل منیر کو کمان کی بیٹن سونپی، جس سے ان کی چھ سالہ مدت ملازمت ختم ہوئی۔

خیال رہے کہ جنرل منیر کو وزیر اعظم شہباز شریف نے گزشتہ ہفتے جنرل باجوہ کی جگہ کے لیے منتخب کیا تھا۔

دوسری جانب جی ایچ کیو راولپنڈی میں پاک فوج میں کمانڈ کی تبدیلی کی تقریب جاری ہے جس میں مسلح افواج کے سربراہان، اعلیٰ سول، فوجی افسران، وفاقی وزراء اورسفارتکار شریک ہیں۔

پاک فوج میں کمانڈ کی تبدیلی کی تقریب میں نائب صوبیدار محمد افضل نے ملٹری بینڈ کی قیادت کی۔

پاک فوج میں کمان تبدیلی کی پروقار تقریب
بول نیوز سے براہ راست:https://t.co/Id2V2gs4Z9#PakArmy pic.twitter.com/Wb6P54Wf01

— BOL Network (@BOLNETWORK) November 29, 2022

جی ایچ کیو ملٹری بینڈ نے ٹوکیو فیسٹیول میں بھی شرکت کی اور ملٹری بینڈ نے چین، ملائیشیا، ترکیہ، یواے ای اور روس میں بھی مہارت کا لوہا منوایا۔

پروقار تقریب میں ملٹری بینڈ کی جانب مشہور ملی نغمے دل دل پاکستان کی خوبصورت دھن پیش کی گئی۔

‘میرے وطن تیری جنت میں آئیں گے ایک دن’، ملٹری بینڈنے مشہور کشمیری نغمے کی دھن بھی پیش کی اور میاں محمد بخش کے مشہور کلام کی دھن بھی پیش کی گئی۔

اس کے علاوہ ملٹری بینڈنے ملی نغمے جیوے جیوے پاکستان کی خوبصورت دھن بھی پیش کی۔

خیال رہے کہ سبکدوش ہونے والے چیف آف آرمی سٹاف جنرل قمر جاوید باجوہ نئے تعینات ہونے والے آرمی چیف جنرل عاصم منیر کو کمان کا بیٹن سونپیں گے۔

جنرل عاصم منیر پاک فوج کی کمان سنبھالنے والے 17ویں آرمی چیف ہوں گے۔

 گزشتہ روز سبکدوش ہونے والے آرمی چیف جنرل قمر جاوید باجوہ نے وزیراعظم ہاؤس میں وزیراعظم شہبازشریف سے الوداعی ملاقات کی۔

وزیراعظم آفس اعلامیہ کے مطابق وزیراعظم نے سبکدوش ہونے والے آرمی چیف جنرل قمر جاوید باجوہ کی دفاع وطن اور پاک فوج کے لیے خدمات کو سراہا۔

ملاقات کے دوران وزیراعظم نے کہا کہ  کے فیٹیف کی گرے لسٹ سے پاکستان کا نام نکلوانے، کورونا وبا اور سیلاب سمیت مختلف بحرانوں میں جنرل قمر جاوید باجوہ کی قیادت میں آرمی نے مثالی خدمات انجام دیں۔  دہشت گردی کے عفریت کو کچلنے کے لئے جنرل قمر جاوید باجوہ کی قیادت میں آرمی نے شجاعت و بہادری سے کردار ادا کیا۔

وزیراعظم آفس کے اعلامیے کے مطابق وزیراعظم شہباز شریف نے کہا کہ جنرل قمر جاوید باجوہ نے تاریخ کے ایک مشکل مرحلے پر پاک آرمی کی قیادت کی۔

لیفٹیننٹ جنرل عاصم منیر کون ہیں؟

لیفٹننٹ جنرل عاصم منیر منگلا میں ٹریننگ اسکول سے پاس آؤٹ ہوئے اور فوج میں فرنٹئیر فورس رجمنٹ میں کمیشن حاصل کیا۔  انہوں نے موجودہ آرمی چیف جنرل قمر جاوید باجوہ کے ماتحت بریگیڈیئر کے طور پرفورس کمانڈ ناردرن ایریاز میں فوج کی کمان سنبھالی۔

لیفٹننٹ جنرل عاصم منیر کو 2017 میں ڈی جی ملٹری انٹیلیجنس مقرر کیا گیا۔ اور اگلے سال اکتوبر میں  پاکستان کی خفیہ ایجنسی انٹر سروسز انٹیلی جنس (آئی ایس آئی) کا سربراہ بنا دیا گیا تاہم وہ مختصر عرصے کیلئے اس عہدے پر فائض رہے۔

آئی ایس آئی کی سربراہی کے بعد لیفٹننٹ جنرل عاصم منیر کو کور کمانڈر گوجرانوالہ تعینات کیا گیا اور دو سال بعد وہ جی ایچ کیو میں کوارٹر ماسٹر جنرل کے عہدے پر تعینات ہوئے اور ابھی بھی اسی عہدے پر کام کررہے ہیں۔

لیفٹننٹ جنرل عاصم منیر نے پاکستان ملٹری اکیڈمی کاکول سے اعزازی شمشیربھی حاصل کی۔ اگر لیفٹننٹ جنرل عاصم منیر کو پاک فوج کا سربراہ مقرر کیا گیا تو وہ  پہلے آرمی چیف ہوں گے جو پاکستان ملٹری اکیڈمی لانگ کورس سے نہیں بلکہ او ٹی ایس کمیشنڈ آفیسر ہوں گے۔