وزیر اعظم اور گورنر پنجاب کیخلاف دو نیب مقدمات کی انکوائریاں بند کرنے کی منظوری

ویب ڈیسک

29th Nov, 2022. 08:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم اور گورنر پنجاب کیخلاف دو نیب مقدمات کی انکوائریاں بند کرنے کی منظوری

نیب نے وزیر اعظم شہباز شریف اور گورنر پنجاب محمد بلیغ الرحمان کے خلاف دو مقدمات کی انکوائریاں بند کرنے کی منظوری دے دی۔

تفصیلات کے مطابق ایگزیکٹو بورڈ کی سفارشات پر چیئرمین نیب آفتاب سلطان نے انکوائریاں بند کرنے کی منظوری دی۔

نیب نے موقف اپنایا کہ تین سالوں کے دوران تحقیقات کے باوجود وزیر اعظم شہباز شریف اور گورنر پنجاب محمد بلیغ الرحمان کے خلاف کرپشن کے ثبوت نہیں ملے۔

نیب نے 2019 میں بہاولپور میں 14 ہزار 400 کینال سرکاری اراضی منتقل کرنے پر انکوائریاں شروع کی تھیں۔ نیب ملتان نے سابق وزیر اعلیٰ پنجاب شبہاز شریف کو سوالنامہ اور طلبی کے نوٹسز بھجوائے تھے۔

چیئرمین نیب نے سرکاری اراضی کی منتقلی کا معاملہ سینئر ممبر بورڈآف ریونیو کو بھیجنے کی ہدایت کردی۔

قانون میں ترمیم کے بعد سرکاری اراضی کی منتقلی کی تحقیقات پنجاب ریونیو اتھارٹی کرے گی۔