پاکستان تحریک انصاف کے حقیقی آزادی مارچ کا دوسرا مرحلہ آج چوتھے روز میں داخل ہوچکا ہے۔

تفصیلات کے مطابق گزشتہ روز مارچ کا اختتام لالہ موسیٰ میں ہوا تھا تاہم آج وائس چیئرمین پی ٹی آئی شاہ محمود قریشی کی قیادت میں حقیقی آزادی مارچ کا آغاز کھاریاں سے ہوگیا ہے۔

اس حوالے سے پی ٹی آئی رہنما مسرت جمشید نے بتایا کہ وائس چیئرمین پی ٹی آئی شاہ محمود قریشی آج صبح 11:10 بجے مولاداد کالونی گجرات میں اہم پریس کانفرنس کریں گے۔

پی ٹی آئی رہنما نے کہا کہ شاہ محمود قریشی کی قیادت میں شام 6 بجے قافلہ لالہ موسیٰ سے کھاریاں پہنچے گا جبکہ شاہ محمود ساڑھے 7 بجے ڈنگی چوک کھاریاں میں عوامی اجتماع سے بھی خطاب کریں گے۔

مسرت جمشید کا کہنا ہے کہ چئیرمین پی ٹی آئی عمران خان مارچ کے شرکاء سے  8:15 بجے خطاب کریں گے، عمران خان کی قافلہ میں عدم موجودگی کے باوجود عوام انکے بیانیہ پر آج اکٹھی ہے۔

پی ٹی آئی رہنما نے کہا کہ سیاسی یتیموں پر مشتمل 13 جماعیتیں ایڑی چوٹی کا زور لگا کر بھی 1300 لوگ اکٹھے نہ کر سکے۔ جمہوری اقدار سے ناواقف پی ڈی ایم کے سیاسی بونے انتخابات سے بھاگ رہے ہیں۔

انہوں نے مزید کہا کہ تحریک انصاف نے کھاریاں کی تاریخ کا سب سے بڑا عوامی اجتماع اکٹھا کیا۔ حقیقی آزادی پاکستان کی سلامتی اور خود مختاری کیلئے ناگزیر ہے۔ عوام حقیقی آزادی کے مطالبے سے ایک انچ بھی پیچھے ہٹنے کو تیار نہیں۔

دوسری جانب پاکستان تحریک انصاف کے جنرل سیکرٹری اسد عمر آج 11:30 بجے سمندری ختم نبوت چوک پہنچیں گے جہاں انکے استقبال کے لئے کبڈی چوک، کالج چوک، تھانہ چوک اور ختم نبوت چوک میں استقبالیہ کیمپ لگا دیئے گئے ہیں۔

پولیس ذرائع کا کہنا ہے کہ اس موقع پر پنجاب پولیس کے 550 سے زائد اہلکار سیکیورٹی کے فرائض سر انجام دے رہے ہیں۔

اس حوالے سے پاکستان تحریک انصاف کے سیکریٹری اطلاعات فرخ حبیب نے بتایا کہ اس سلسلے میں آج 5 بجے ڈی ٹائم این اے 108 کے مرکزی آفس میں جمع ہوں گے اور ایک ریلی کی شکل میں ضلع قونصل پہنچیں گے اور اس موقعے پر بڑی اسکرین پر چیئرمین پی ٹی آئی عمران خان بھی مخاطب ہوں گے۔

Advertisement

آزادی مارچ کے حوالے سےکل بروز اتوار شام 5 بجے مرکزی دفتر میاں فرخ حبیب ڈی ٹائپ پل سے ضلع کونسل چوک تک ریلی نکالی جائے گی ۔ وہاں اسد عمر صاحب خود موجود ہونگے اور عمران خان صاحب کا خطاب بڑی سکرین پر سنایا جائے گا۔ آپ کوخصوصی شرکت کی دعوت دی جاتی ہے.@FarrukhHabibISF pic.twitter.com/cPP5TxbEVl

— Ch usman jutt ! (@Usmanjtt) November 12, 2022

فرخ حبیب نے مزید کہا کہ آپ سب نکلیں حقیقی آزادی کے لئے پاکستان کے لئے عمران خان کے ساتھ شام پانچ بجے۔

علاوہ ازیں چیئرمین تحریک انصاف عمران خان نے عوام کو حقیقی آزاد لانگ مارچ میں شرکت کی دعوت بھی دی ہے۔

شہباز شریف کو نہیں پتا کہ اس بار وہ کہاں پھنسا ہے، عمران خان

گزشتہ روز حقیقی آزادی لانگ مارچ کے شرکاء سے خطاب کرتے ہوئے سابق وزیراعظم اور چیئرمین تحریکِ انصاف عمران خان نے کہا تھا کہ شہبازشریف پر ڈیلی میل نے چوری کا سنگین الزام عائد کیا ہے۔ شہبازشریف کو غلط فہمی ہوئی کہ برطانیہ میں مرضی کا فیصلہ لےگا۔ برطانیہ کی عدالت اب شہباز شریف سے سوال کررہی ہے۔ اسے نہیں معلوم کہ وہ کہاں پھنسا ہے۔

عمران خان نے کہا کہ اسحاق ڈار کو این آر او ملا تو وطن واپس آیا وہ شخص جھوٹ بول کر ملک سے باہر گیا تھا۔ باہر بیٹھا چوروں کا ٹبرملک کے فیصلے کررہا ہے۔ ان کے دور میں مہنگائی آسمان تک چلی گئی ہے۔

انھوں نے کہا کہ لندن میں ایک تماشا لگا ہوا ہے۔ ایک مفرور ملک کے فیصلے کررہا ہے۔ نوازشریف کے بیٹے احتساب کے ڈر سے ملک چھوڑ کربھاگ گئے۔ حسن نواز نے دس ارب روپے کی جائدداد باہربنائی ہوئی ہیں۔

سابق وزیراعظم نے کہا کہ کوئی معاشرہ اور ملک انصاف کے بغیر ترقی نہیں کر سکتا۔ ملک میں انصاف کانظام قائم ہوگاتو ترقی کرےگا۔ اوورسیزاس لیےسرمایہ کاری نہیں کرتےکیونکہ تحفظ نہیں ملتا۔

عمران خان نے کہا کہ ملک کےسربراہ چوری کاپیسہ باہربھیج رہےہیں۔ چورحکمران دوسروں کوکہتےہیں کہ اپناپیسہ ملک میں لاؤ۔  حکمران چوری کاپیسہ باہراس لیےبھیجتےہیں کہ کوئی سوال نہ کرے۔ ان کوپیسہ واپس لانا ہوتا توپاپڑوالےکانام استعمال کرتے۔ ملک ایسے ایشین ٹائیگرنہیں بنےگا،لاہورپیرس نہیں بنےگا۔

انھوں نے کہا کہ غلام قوم کی کوئی حیثیت نہیں ہوتی۔ آزاد معاشرے میں ہی حقیقی جمہوریت آتی ہے۔ ہمارے دور میں گروتھ ریٹ چھ تھا اب ایک فیصد رہ گیا ہے۔