سابق گورنر سندھ عمران اسماعیل نے کہا ہے کہ عمران خان پر قاتلانہ حملہ ہوا ہے جس کی ایف آئی درج کروانا ان کا حق ہے۔

بول نیوز سے گفتگو کرتے ہوئے پاکستان تحریک انصاف کے سینئر رہنما عمران اسماعیل نے کہا کہ جس پر حملہ ہوتا ہے اس کا حق ہے ایف آردرج کروائے اس لئے ایف آئی آر تودرج کرنی پڑے گی۔

انہوں نے کہا کہ عمران خان نے ایک نہیں 2 سے3 ایسےمطالبات کیےہیں جس میں سے ایک مطالبہ جلد انتخابات کاتھا جبکہدوسرا مطالبہ ارشد شریف قتل کی تحقیقات کا تھا۔

انہوں نے مزید کہا کہ ارشد شریف معاملے پر مسلسل جھوٹ پر جھوٹ سے کام لیاجارہاہے، ان کے پوسٹ مارٹم رپورٹ اہلخانہ سےشیئرنہیں کی جارہی ہے۔

اس سے قبل بول نیوز کی خصوصی ٹرانسمیشن سے گفتگو کرتے ہوئے پاکستان تحریک انصاف کے سینئر رہنما فواد چوہدری نے کہا ہے کہ شعور کا جن بوتل سے باہر آگیا ہے جو واپس نہیں جائے گا ۔

انہوں نے کہا کہ گزشتہ روز ہماری توقعات سے زیادہ لوگ جمع ہوئے تھے اور عوام کے بڑے اجتماع سے ظاہر ہے لوگ ڈرے نہیں، عوام خوف کا شکار ہونے کے بجائے ردعمل دے رہے ہیں۔

انہوں نے مزید کہا کہ اداروں نےطےکرلیاکہ ان کاکوئی کردارہی نہیں کیونکہ ارشد شریف نے چیف جسٹس کوخط لکھاتھاکہ یہ مجھےماردیں گے لیکن ان کے خط پر کوئی ردعمل نہیں دیاگیا، اعظم سواتی نےہفتےسےدرخواست دی ہےکچھ نہیں ہوا ۔

فواد چوہدری نے کہا کہ بند کمروں میں فیصلےکر کے عوام پرمسلط کیے جاتے ہیں لیکن کوئی بھی پاکستان کے فیصلے نہیں کرسکتا ہے کیونکہ پاکستان کے فیصلے پاکستان کے عوام نے کرنے ہیں۔