مشیر داخلہ و اطلاعات حکومت پنجاب عمر سرفراز چیمہ نے پی ڈی ایم حکومت کو خبردار کردیا ہے۔

پی ٹی آئی کے لانگ مارچ کے حوالے سے عمر سرفراز چیمہ نے اپنے بیان میں کہا کہ عمران خان کا حق سچ اور قوم کی تقدیر بدلنے کا بیانیہ سر چڑھ کر بول رہا ہے۔

انہوں نے کہا کہ صرف لاہور اور گوجرانوالہ کی عوام کی لانگ مارچ میں شرکت سے امپورٹڈ حکومت کی کانپیں ٹانگ رہی ہیں، ابھی تو پورا پاکستان اسلام آباد کا رخ کررہا ہے۔

‘اسلام آباد میں عوامی سمندر کرپٹ امپورٹڈ ٹولے کو بہا لے جائے گا’

عمر سرفراز نے کہا کہ قوم نے این آر او 2 کو مسترد کردیا ہے، پی ڈی ایم کو جواب دینا پڑے گا، اسلام آباد میں عوامی سمندر کرپٹ امپورٹڈ ٹولے کو بہا لے جائے گا۔

پی ٹی آئی رہنما نے کہا کہ پی ڈی ایم حکومت چند دن کی مہمان ہے، تشدد کا راستہ اپنایا تو چھپنے کی جگہ نہیں ملے گی۔ شہباز شریف لاؤ لشکر کیساتھ بیرونی دوروں پر ملکی وسائل کا بے دردی سے استعمال کررہے ہیں۔

‘لندن میں بیٹھ کر بڑھکیں مارنا ن لیگ کا پرانا وطیرہ ہے’

اطلاعات حکومت پنجاب کا کہنا ہے کہ ن لیگ جاتی عمراء اور پیپلزپارٹی اندرون سندھ تک محدود ہوچکی ہے، لندن میں بیٹھ کر بڑھکیں مارنا ن لیگ کا پرانا وطیرہ ہے۔

عمر سرفراز نے مزید کہا کہ ن لیگ کی ساری سیاست ڈیل اور ڈھیل کے گرد گھومتی ہے، مریم صفدر سیاست کی بارھویں کھلاڑی، ن لیگ کی تباہی میں برابر کی شریک ہے۔

نواز شریف اب کیا چاہتے ہیں؟ شیخ رشید نے اپنے دبنگ بیان میں بتادیا

اس سے قبل شیخ رشید احمد نے کہا تھا کہ نواز شریف اپنی ڈیل اور ہماری اسٹیبلشمنٹ سے لڑائی چاہتا ہے۔

سابق وزیرداخلہ شیخ رشید احمد نے سوشل میڈیا پر جاری اپنے پیغام میں کہاکہ نواز شریف اپنے لیےریلیف چاہتا ہے اورہمارے لیےتکلیف چاہتا ہے۔

انہوں نے کہاکہ رانا ثناءاللہ ذہنی مریض اوراجرتی قاتل ہےجو اداروں کو بے وقار کرنے کی ناکام ناپاک کوشش کرےگا اور رسوا ہوکرگھر جائےگا۔

10نومبرکو بھرپور حکمت عملی کےساتھ عمران خان کا لانگ مارچ راولپنڈی پہنچےگا۔راولپنڈی کاعظیم الشان تاریخی استقبال فیصلہ کن ہوگا۔نہ گندم،نہ گیس،نہLPGہے، 30 فیصدمہنگائی بڑھ گئی ہے۔ڈیفالٹ زدہ حکومت کاگند اٹھانا آسان کام نہیں۔اگر فیصلہ لوگوں نےاپنےہاتھ میں لےلیا توفیصلہ کچھ بھی ہوسکتاہے

— Sheikh Rashid Ahmed (@ShkhRasheed) November 2, 2022

ان کا کہنا تھا کہ مسئلہ سیاست نہیں اب ریاست ہے، نومبر بھاری اورفیصلہ کن ہوگا، 10 نومبر کو بھرپور حکمت عملی کےساتھ عمران خان کا لانگ مارچ راولپنڈی پہنچےگا، راولپنڈی کاعظیم الشان تاریخی استقبال فیصلہ کن ہوگا۔

شیخ رشید کا مزید کہنا تھا کہ نہ گندم،نہ گیس،نہ ایل پی جی ہے، 30 فیصد مہنگائی بڑھ گئی ہے، ڈیفالٹ زدہ حکومت کاگند اٹھانا آسان کام نہیں،اگر فیصلہ لوگوں نےاپنےہاتھ میں لےلیا توفیصلہ کچھ بھی ہوسکتاہے۔

حقیقی آزادی مارچ کے قافلے’اسلام آباد‘ کب پہنچیں گے؟ اسد عمر نے نیا شیڈول جاری کردیا

دوسری جانب پی ٹی آئی کے رہنما اور سابق وفاقی وزیر اسد عمر نے پارٹی چیئرمین عمران خان کی قیادت میں حقیقی آزادی مارچ کے قافلے راولپنڈی اور اسلام آباد پہنچنے کے حوالے سے  نیا شیڈول جاری کر دیا۔

حقیقی آزادی مارچ کے نئے شیڈول کے مطابق انشاءاللہ کپتان 10 نومبر کو راولپنڈی پہنچیں گے اور 11 نومبر کو تمام پاکستان سے قافلے اسلام آباد پہنچیں گے #حقیقی_آزادی_لانگ_مارچ

Advertisement

— Asad Umar (@Asad_Umar) November 2, 2022

پی ٹی آئی رہنما اسد عمر نے سوشل میڈیا پر جاری اپنے پیغام میں لکھا کہ حقیقی آزادی مارچ کے نئے شیڈول کے مطابق عمران خان 10 نومبر کو راولپنڈی پہنچیں گے۔

انہوں نے مزید لکھا کہ 11 نومبر کو تمام قافلے اسلام آباد پہنچیں گے۔

عمران خان کی زیر قیادت ’حقیقی آزادی مارچ‘ چھٹے دن میں داخل

چیئرمین تحریک انصاف عمران خان کی زیر قیادت حقیقی آزادی مارچ چھٹے دن میں داخل ہوگیا۔

تحریک انصاف کے حقیقی آزادی لانگ مارچ کا آج چھٹا روز ہے، لانگ مارچ کا آغاز پنڈی بائی پاس گوجرانوالہ سے ہوگا، جس کی قیادت چیئرمین پی ٹی آئی عمران خان کریں گے۔

لانگ مارچ کے روٹ پر مختلف مقامات پر استقبالیہ کیمپ لگا دیے گئے ہیں ، گکھڑ پہنچنے پر سابق وزیراعظم عمران خان کارکنوں سے خطاب کریں گے۔