سید تسنیم حیدر کی پریس کانفرنس پر پی ٹی آئی رہنماؤں کا سخت ردعمل سامنے آگیا۔

تفصیلات کے مطابق مسلم لیگ ن لندن کے ترجمان سید تسنیم حیدر شاہ نے پریس کانفرنس میں یہ دعوٰی کیا ہے کہ عمران خان پر قاتلانہ حملے اور ارشد شریف کا قتل کروانے میں مسلم لیگ ن کا ہاتھ تھا۔

پی ٹی آئی رہنماؤں کا ردعمل

فواد چوہدری

وفاقی وزیر اطلاعات و نشریات و پی ٹی آئی کے سینئر رہنما فواد چوہدری نے سماجی رابطے کی ویب سائٹ ٹوئٹر پر اپنے ایک پیغام میں کہا کہ ہم نے ترجمان مسلم لیگ ن تسنیم حیدر کے انکشافات کی جامع تحقیقات کا مطالبہ کرتے ہیں۔

انہوں نے کہا کہ ن لیگ کے چمچے کڑچھے شور مچا رہے ہیں کہ تسنیم حیدر ایک جرائم پیشہ آدمی ہے، بھائی اس کو ہائیر بھی جرم کیلئے ہی کیا جا رہا تھا ،اس کو قتل کیلئے کہا جا رہا تھا کون سا یتیم خانہ چلانا تھا۔

نون لیگ کے چمچے کڑچھے شور مچا رہے ہیں کہ تسنیم حیدر ایک جرائم پیشہ آدمی ہے، بھائ اس کو ہائیر بھی جرم کیلئے ہی کیا جا رہا تھا ،اس کو قتل کیلئے کہا جا رہا تھا کون سا یتیم خانہ چلانا تھا

— Ch Fawad Hussain (@fawadchaudhry) November 20, 2022

فیصل جاوید

سینیٹر و پی ٹی آئی رہنما فیصل جاوید خان نے سید تسنیم حیدر کی پریس کانفرنس پر ردعمل دیتے ہوئے کہا کہ حکومتی جماعت ن لیگ کے رہنما اور ترجمان کی پریس کانفرنس کو پی ٹی وی کیوں نہیں دکھا رہا؟

ان کا کہنا تھا کہ نہ صرف پی ٹی وی بلکہ دیگر ن زدہ چینلز بھی ان اہم الزامات اور انکشافات پر کوئی کوریج نہیں دے رہے۔

عثمان ڈار

 پی ٹی آئی رہنما عثمان ڈار نے اپنے ٹوئٹ میں کہا کہ عمران خان پر حملے اور ارشد شریف کے قتل کی پلاننگ لندن میں میاں نواز شریف کے زیر سر پرستی ہوئی، یہ بات ن لیگ کا اپنا ترجمان کہہ رہا ہے۔

ان کا کہنا تھا کہ میں چیف جسٹس آف پاکستان سے مطالبہ کرتا ہوں کہ اس کیس پر فوری سو موٹو لیں۔

عمران خان پر حملے اور ارشد شریف کے قتل کی پلاننگ لندن میں میاں نواز شریف کے زیر سر پرستی ہوئی۔ یہ بات ن لیگ کا اپنا ترجمان کہہ رہا ہے۔

میں چیف جسٹس آف پاکستان سے مطالبہ کرتا ہوں کہ اس کیس پر فوری سو موٹو لیں pic.twitter.com/ohUzBNym7f

— Usman Dar (@UdarOfficial) November 20, 2022

مسرت چیمہ

حکومت پنجاب کی ترجمان مسرت جمشید چیمہ نے ردعمل دیتے ہوئے کہا کہ اس وقت جب ارشد شریف شہید کا ایک قاتل بےنقاب ہوا ہے اس ویڈیو نے شہید کی یاد تازہ کر دی ہے، ظالموں نے کیسا سپوت چھین لیا۔

ان کا کہنا تھا کہ اللہ سے دعا ہے کہ اس سازش میں شریک ہر سازشی کو نشان عبرت بنا دے۔

اس وقت جب ارشد شریف شہید کا ایک قاتل بےنقاب ہوا ہے اس ویڈیو نے شہید کی یاد تازہ کر دی ہے. ظالموں نے کیسا سپوت چھین لیا.

اللہ سے دعا ہے کہ اس سازش میں شریک ہر سازشی کو نشان عبرت بنا دے. https://t.co/iW0CScJU1F

Advertisement

— Musarrat Cheema (@MusarratCheema) November 20, 2022

فرخ حبیب

سیکرٹری اطلاعات پاکستان تحریک انصاف فرخ حبیب نے کہا کہ ن لیگ لندن کے ترجمان تسنیم حیدر کے انکشافات کے بعد کسی قسم کا شبہ نہیں کہ عمران خان پر قاتلانہ حملہ کس نے کروایا۔

ان کا کہنا تھا کہ نواز شریف اور مریم نے لندن میں عمران خان کے قتل کا منصوبہ بنایا، اب سپریم کورٹ کو فی الفور اس پر سوموٹو ایکشن لے کر اعلیٰ سطح کی تحقیقات کروانی چاہیے۔

Advertisement

ن لیگ لندن کے ترجمان تسنیم حیدر کے انکشافات کے بعد کسی قسم کا شبہ نہیں کہ عمران خان پر قاتلانہ حملہ کس کروایا، اب سپریم کورٹ کو فی الفور اس پر سوموٹو ایکشن لیکر اعلیٰ سطح کی تحقیقات کروانی چاہیے، نواز شریف اور مریم نے لندن میں عمران خان کے قتل کا منصوبہ بنایا pic.twitter.com/jCBDfbSdZQ

— Farrukh Habib (@FarrukhHabibISF) November 20, 2022

قاسم سوری

سابق ڈپٹی اسپیکر قاسم سوری نے اپنے ایک بیان میں کہا کہ لندن میں ن لیگی ترجمان تسنیم حیدر کے اس انکشاف کے بعد کہ میاں نواز شریف اس میٹنگ میں شامل تھے جہاں ارشد شریف شہید کے قتل اور عمران خان کے قتل کی منصوبہ بندی ہوئی، سپریم کورٹ آف پاکستان کو دونوں واقعات میں ملوث مجرمان کو پکڑنا چاہیے۔

Advertisement

لندن میں ن لیگی ترجمان تسنیم حیدر کے اس انکشاف کے بعد کہ میاں نواز شریف اس میٹنگ میں شامل تھے جہاں ارشد شریف شہید کے قتل اور عمران خان کے قتل کی منصوبہ بندی ہوئی سپریم کورٹ آف پاکستان کو خواب خرگوش سےجاگنا اور دونوں واقعات میں ملوث مجرمان کو پکڑناچاہیے۔#بندیال_صاحب_انصاف_کریں pic.twitter.com/Af7660Xs8O

— Qasim Khan Suri (@QasimKhanSuri) November 20, 2022

خرم شیر زمان

پی ٹی آئی کے پارلیمانی لیڈر سندھ اسمبلی خرم شیر زمان نے کہا کہ مسلم لیگ ن کے ترجمان نے عمران خان پر حملے اور ارشد شریف کے قتل سے متعلق پریس کانفرنس میں اعتراف کیا کہ سازش لندن میں ہوئی، چیف جسٹس لیگی ترجمان کے بیان پر فوری سوموٹو لے کر سازشیوں کے خلاف تحقیقات کا حکم جاری کریں۔

خرم شیر زمان نے مزید کہا کہ لیگیوں کے سہولتکار، پیروکار کو قرار واقع سزا ملنی چاہیئے۔

عمران خان پر حملے،ارشدشریف کےقتل سےمتعلق PMLNترجمان نےپریس کانفرنس میں اعتراف کیاکہ سازش لندن میں ہوئی
چیف جسٹس لیگی ترجمان کےبیان پرفوری سوموٹو لیکرسازشیوں کیخلاف تحقیقات کاحکم جاری کریں،ایک ماں اوراس پوری قوم کوانصاف دیں،لیگیوں کےسہولتکار، پیروکار کو قرار واقع سزا ملنی چاہیئے.

— Khurrum Sher Zaman 🇵🇰 (@KhurumSherZaman) November 20, 2022

حلیم عادل شیخ

قائد حزب اختلاف سندھ اسمبلی حلیم عادل شیخ نے ترجمان ن لیگ کے انکشافات پر رد عمل دیتے ہوئے کہا کہ ‏اہم انکشافات کے بعد چیف جسٹس آف پاکستان معاملے کا ازخود نوٹس لیں، ملک کے سب سے بڑے لیڈر عمران خان اور نامور صحافی ارشد شریف کے قتل سازش کے عناصر واضع ہو چکے ہیں۔

ان کا کہنا تھا کہ عوام کے قوم کی امیدیں آپ سے وابستہ ہیں، آگے بڑھیں قوم و ملک کو اس دو مافیا خاندانوں سے بچانے میں اپنا کردار ادا کریں۔

اہم انکشافات کے بعد چیف جسٹس آف پاکستان معاملے کا ازخود نوٹس لیں ملک کے سب سے بڑے لیڈر عمران خان اور نامور صحافی ارشد شریف کے قتل سازش کے عناصر واضع ہوچکے ہیں عوام کے قوم کی امیدیں آپ سے وابستہ ہیں آگے بڑھیں قوم و ملک کو اس دو مافیا خاندانوں سے بچانے میں اپنا کردار ادا کریں pic.twitter.com/3ptgDDWMY9

— Haleem Adil Sheikh (@HaleemAdil) November 20, 2022

عمر چیمہ

مشیر داخلہ و اطلاعات پنجاب عمر سرفراز چیمہ نے اپنے بیان میں کہا کہ تسنیم حیدر سے رابطہ ہو گیا، ان کو شامل تفتیش کر لیا گیا ہے۔

ان کا کہنا تھا کہ ن لیگ کی مرکزی صوبائی اور ضلعی قیادت پریس کانفرنسز اور میڈیا ٹاک میں عمران خان کو قتل کرنے اور مذہبی منافرت کے حوالے سے بیان دے چکے ہیں، تسنیم حیدر کے اقبالی بیان کے بعد ن لیگ کی مرکزی، صوبائی، ضلعی قیادت سے بھی پوچھ گچھ کی جائے گی۔

عمر سرفراز چیمہ نے کہا کہ مذہبی منافرت کے حوالے سے کچھ ن لیگ رہنماؤں کے خلاف مقدمات بھی درج ہوئے اور گرفتار بھی ہیں، وزیرآباد واقعے کی تحقیقات کا دائرہ کار وسیع کر دیا گیا ہے۔

ہاشم ڈوگر

وزیر آبپاشی پنجاب ہاشم ڈوگر نے اپنے ٹوئٹ میں کہا کہ عمران خان پر قاتلانہ حملہ ہونا کوئی معمولی بات نہیں، تحریک انصاف پہلے دن سے کہہ رہی تھی کہ اس کے پیچھے ماسٹر مائنڈ موجود ہیں۔

ہاشم ڈوگر نے کہا کہ عمران خان پر قاتلانہ حملے کی سازش لندن میں پلان کی گئی، ن لیگی رہنما کا لندن میں ہی بیٹھ کر اس سازش کے بارے میں انکشافات کرنا اس بات کا واضح ثبوت ہے۔

عمران خان پر قاتلانہ حملہ ہونا کوئی معمولی بات نہیں۔ تحریک انصاف پہلے دن سے کہہ رہی کہ اس کے پیچھے ماسٹر مائنڈ موجود ہیں۔ عمران خان پر قاتلانہ حملے کی سازش لندن میں پلان کی گئی۔ ن لیگی رہنما کا لندن میں ہی بیٹھ کر اس سازش بارے انکشافات کرنا واضح ثبوت ہے۔#بندیال_صاحب_انصاف_کریں

— Hashim Dogar| Irrigation Minister Punjab (@ColhashimDogar) November 20, 2022

عمران خان اور ارشد شریف کے قاتلانہ حملے کے پیچھے نواز شریف کا ہاتھ؟

مسلم لیگ ن لندن کے ترجمان سید تسنیم حیدر شاہ نے کچھ دی قبل اپنی پریس کانفرنس میں یہ دعوٰی کیا ہے کہ عمران خان پر قاتلانہ حملے اور ارشد شریف کا قتل کروانے میں مسلم لیگ ن کا ہاتھ ہے۔

سید تسنیم نے کہا کہ میاں نواز شریف کے ساتھ حسن نواز کے دفتر میں تین ملاقاتیں ہوئیں، میں گزشتہ بیس سال سے مسلم لیگ ن سے منسلک ہوں، مجھے میٹنگ کیلئے بلایا گیا کہ ارشد شریف اور عمران خان کا قتل کرنا ہے، پہلی میٹنگ 8 جولائی، دوسری 20 ستمبر اور تیسری 29 اکتوبر کو ہوئی۔

ان کا کہنا تھا کہ میٹنگ میں کہا گیا کہ نئے آرمی چیف کی تقرری سے پہلے ارشد شریف اور عمران خان کو راستے سے ہٹانا ہے، ناصر بٹ نے نواز شریف سے میرا تعارف گجرات کے مضبوط شخص کے طور پر کروایا، نوازشریف سے کہا گیا کہ نسیم حیدر کے پاس شوٹر ہیں، یہ کام کر سکتے ہیں۔

انہوں نے کہا کہ نواز شریف نے مجھے کہا کہ شوٹر آپ مہیا کریں، آپ کو وزیرآباد میں جگہ دیں گے، الزام پنجاب حکومت پر آئے گا، مریم نواز کو لندن آنے دیں پھر منصوبے پر عمل کریں گے، جب میں نے انکار کیا تو مجھے بتایا گیا کہ ہم نے شوٹرز کا بندوبست کر لیا ہے۔

سید تسنیم نے کہا کہ میرے پاس ملاقاتوں کی تصاویر موجود ہیں، سازش سے برطانوی پولیس کو آگاہ کر دیا ہے، دو ملاقاتوں میں صرف میں نواز شریف اور ناصر بٹ موجود تھے، پاکستان کے تحقیقاتی اداروں نے بلایا تو بیان دینے کیلئے جاؤں گا۔