اسمبلیاں توڑنیں کے بجائے سیاسی و قانونی آپشن استعمال کیے جائیں، عطااللہ تارڑ

ویب ڈیسک

28th Nov, 2022. 06:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسمبلیاں توڑنیں کے بجائے سیاسی و قانونی آپشن استعمال کیے جائیں، عطااللہ تارڑ

مسلم لیگ (ن) کے مرکزی رہنما عطااللہ تارڑ نے کہا ہے کہ اسمبلیاں توڑنیں کے بجائے سیاسی و قانونی آپشن استعمال کیے جائیں۔

تفصیلات کے مطابق عطا تارڑ نے اپنی پریس کانفرنس میں کہا کہ آج مسلم لیگ ن کے پارلیمانی مشاورتی گروپ کے اجلاس میں یہ طے پایا کہ آخری حد تک اسمبلی توڑنے نہیں دیں گے، ہم نے پرامن طریقے سے جمہوریت اور عوامی مینڈیٹ کے لیے اپنا کردار ادا کیا۔

عطا تارڑ نے کہا کہ پیپلز پارٹی کے وفد اور حمزہ شہباز کی ملاقات طے ہو گئی ہے، کل عدم اعتماد یا گورنر کے اختیار پر بات چیت ہو گی، سوال رکھنا چاہتا ہوں کہ جولائی میں ریویو پٹیشن کا کیس دائر ہوا چار ماہ کے باوجود کیس پر کچھ کیوں نہیں ہوا؟ پچیس ووٹوں کی گنتی پر فیصلہ دیا جائے فی الفور مطالبہ ہے کہ سپریم کورٹ اس پر فیصلہ کرے۔

ان کا کہنا تھا کہ اعتماد یا عدم اعتماد میں ووٹ کا حق رہے گا جو ممبرز معطل ہوئے اس کا بھی فیصلہ کیا جائے، سیاسی و قانونی آپشن استعمال کی جائے اسمبلیاں نہ توڑی جائیں، پی ٹی آئی کے لوگ جو جمہوری ذہن رکھتے ہیں وہ بھی چاہتے ہیں کہ اسمبلیاں نا ٹوٹیں۔

انہوں نے کہا کہ فی الحال پی ٹی آئی سے کوئی مشاورت یا بیک ڈور رابطہ نہیں ہے، پرویز الٰہی کا خوب جواب دیں گے۔