صوبائی وزیر صحت ڈاکٹر یاسمین راشد نے کہا ہےکہ ملک کی معیشت تباہ ہوچکی ہے، آئی ایم ایف بھی دھمکیاں دے رہا ہے۔

تفصیلات کے مطابق صوبائی وزیرصحت ڈاکٹر یاسمین راشد نے چیلڈرن اسپتال لاہور میں میڈیا سے گفتگو کرتے ہوئے کہا کہ ہمیں کوئی فرق نہیں پڑتا کس کو آرمی چیف بنانا ہے لیکن سلیکشن پاکستان میں ہونا چاہیئے کہ لندن میں نہیں ہونا چاہیئے۔

انہوں نے کہا کہ ایوان فیلڈ اپارٹمنٹ کا حساب تو ان سے دیا نہیں جا رہا ہے، اسحاق ڈار بھی ٹائیں ٹائیں فش ہو چکا ہے اور آئی ایم ایف نے بھی دھمکیاں دینا شروع کر دی ہیں۔

انہوں نے مزی کہا کہ آپکی معیثیت کا بیڑا غرق ہو چکا ہے اور سیاسی غیر استحکام بہت زیادہ بڑھ چکا ہے۔

رہنما پی ٹی آئی کا کہنا تھا کہ اپنے کیسز ختم کرنے کے لیئے جو کیا انہوں نے وہ کیا لیکن اب اب ایک نئی ترمیم بھی لانا چاہ رہے ہیں۔

ان کا کہنا تھا کہ کل رات عمران خان سے ملاقات ہوئی انکی صحت اب کافی بہتر ہے، انکے دوبارہ آج ٹیسٹ اور ایکسرے ہونا ہیں اور ٹیسٹ کے نتائج پر پتہ لگے گا کہ خان صاحب کب دوبارہ لانگ مارچ جوائن کریں گے۔

انہوں نے کہا کہ لوگ بار بار کہتے رہے کہ عمران خان کو گولیاں نہیں لگیں ہمیں مجبورا دکھانا پڑ گیا کہ گولی لگی جبکہ ہم نے نواز شریف کا ہم نے تو بہت اچھا اعلاج کیا تھا، وہ باہر گئے ہی تب جب انکے پلیٹ لیٹس بہتر ہو گئے تھے۔

انہوں نے مزید کہا کہ ہم جہاں بھی جاتے ہیں لاکھوں لوگ پہلے سے منتظر ہوتے ہیں کیونکہ لوگ خان صاحب کے موقف کے ساتھ کھڑے ہوئے ہیں۔