وزیراعلیٰ سندھ مراد علی شاہ نے ہدایت دی ہے کہ جام صادق پل کی جگہ ایک اور پل کی تعمیر جلد شروع کی جائے۔

تفصیلات کے مطابق وزیراعلیٰ مراد علی شاہ کی زیر صدارت بی آر ٹی ییلو لائن کو حتمی شکل دینے سے متعلق اجلاس ہوا۔

Sindh Chief Minister Syed Murad Ali Shah presides over a meeting to finalize 21-km BRT Yellow Line starting from Dawood Chowrangi to Numasih. Mr. Shah directed the transport dept to expedite formalities so that work on the project could be started. pic.twitter.com/TqyZuaaL6O

— Sindh Chief Minister House (@SindhCMHouse) November 10, 2022

وزیراعلیٰ سندھ کو وزیر ٹرانسپورٹ کی بریفنگ

اجلاس میں وزیر ٹرانسپورٹ نے وزیراعلیٰ سندھ کو بریفنگ دی کہ بی آر ٹی ییلو لائن داؤد چورنگی تا نمائش 21 کلو میٹر کوریڈور ہے، 17.6 کلومیٹر سڑک اور 3.4 کلومیٹر انڈر پاسز ہونگے۔

اجلاس میں بریفنگ دی گئی کہ ییلو لائن کی 28 اسٹیشنز ہونگی جس میں 6 اسٹیشنز انڈرپاسز میں ہونگی، 268 ہائیبرڈ ڈیزل بسز ییلو لائن کی ہونگی۔

بریفنگ میں بتایا گیا کہ روزانہ 300000 کی رائیڈر شپ ہوگی، بی آر ٹی ییلو لائن ورلڈ بینک کے تعاون سے 60 بلین روپے کی لاگت سے مکمل ہوگا۔

‘کراچی کو بہترین ٹرانسپورٹ کی ضرورت ہے، جسے میں جلد دینا چاہتا ہوں’

دوسری جانب وزیراعلیٰ سندھ نے ہدایت دی کہ جام صادق پل کی جگہ ایک اور پل کی تعمیر جلد شروع کی جائے، کراچی کو بہترین ٹرانسپورٹ کی ضرورت ہے، جسے میں جلد دینا چاہتا ہوں۔

مراد علی شاہ نے کہا کہ اس وقت گرین لائن، اورنج لائن، پیپلز بس سروس اور اب ییلو لان سے شہر کی ٹرانسپورٹ بہتر ہوجائے کی، ہم کے سی آر (کراچی سرکلر ریلوے) پر بھی جلد کام شروع کروائیں گے۔

وزیراعلیٰ سندھ نے وزیر ٹرانسپورٹ کو ہدایت دی کہ محکمہ ٹرانسپورٹ ییلو لائن منصوبے کو فائنل کر کے ورلڈ بینک کو دیں تاکہ کام شروع کرسکیں اور مجھے ریڈ لائن دو سالوں میں مکمل کر کے دیں۔

اجلاس میں وزیر ٹرانسپورٹ شرجیل انعام میمن، چیف سیکریٹری سہیل راجپوت، پرنسپل سیکریٹری فیاض جتوئی، سیکریٹری خزانہ ساجد جمال ابڑو، سیکریٹری بلدیات نجم شاہ، سیکریٹری ٹرانسپورٹ حلیم شیخ اور دیگر متعلقہ افسران شریک ہوئے۔

جام صادق پل کا متبادل جلد تعمیر کرنے کا فیصلہ

گزشتہ روز  سندھ حکومت اور ورلڈ بینک کے درمیان جام صادق پل کے متبادل پل کی تعمیر کو جلد شروع کرنے پر اتفاق کیا گیاتھا۔

وزیراعلیٰ سندھ سید مراد علی شاہ کی ورلڈ بینک کے 31 رکنی وفد کی کنٹری ڈائریکٹر ڈائریکٹر ناجی بین ہسین کی سربراہی میں ملاقات ہوئی تھی۔

ملاقات میں وزیراعلیٰ سندھ نے گفتگو کرتے ہوئے کہا تھا کہ سیلاب متاثرین کے گھروں کی تعمیر، ہوسٹنگ پروجیکٹ کیلئے ورلڈ بینک 500 ملین ڈالرز کا لون دی رہی ہے، ہاؤسنگ کمپنی کیلئے اسٹاف کی بھرتی، کنسلٹنسی، مینجمنٹ انفارمیشن سسٹم مکمل ہونے والے ہیں۔

انہوں نے مزید کہا کہ گھروں کی تعمیر کا کام جلد سے جلد شروع کرنا چاہتے ہیں، سردیاں بھی شروع ہورہی ہیں ہمارے لوگ تکلیف میں ہیں۔