پنجاب بھر میں سی ٹی ڈی کا انٹیلی جنس بیسڈ آپریشن،9 مبینہ دہشت گرد گرفتار

ویب ڈیسک

26th Nov, 2022. 01:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب بھر میں سی ٹی ڈی کا انٹیلی جنس بیسڈ آپریشن،9 مبینہ دہشت گرد گرفتار

پنجاب بھر میں سی ٹی ڈی کی جانب سے انٹیلی جنس بیسڈ آپریشن کے دوران 9 مبینہ دہشت گرد گرفتار کرلئے گئے ہیں۔

اس حوالے سے ترجمان سی ٹی ڈی کا کہنا ہے کہ کاؤنٹر ٹیررازم ڈیپارٹمنٹ (سی ٹی ڈی) نے پنجاب بھر میں متعدد چھاپے مار کر کالعدم تنظیموں سے تعلق رکھنے والے 9 دہشت گردوں کو گرفتار کر لیا ہے۔

ترجمان نے بتایا کہ لاہور اور راولپنڈی سمیت مختلف شہروں سے گرفتار کیے گئے دہشت گردوں کی شناخت اعظم خان، محمد نبی، فاروق عباس، شامی پرویز، محمد صدیق، عبدالمنان، اسماعیل خان، عبدالرزاق اور محمد بلال کے نام سے ہوئی ہے۔

ترجمان کے مطابق کارروائی کے دوران 2 آئی ای ڈی بم، 2768 دھماکہ خیز مواد،13 ڈیٹونیٹر برآمد کئے گئے ہیں جبکہ حفاظتی فیوز،اسلحہ، کیش، گولیاں و دیگر سامان بھی برآمد ہوا ہے۔

ترجمان نے بتایا کہ گرفتار دہشت گرد اہم تنصیبات، شخصیات اور سرکاری عمارات پر تخریک کاری کرنا چاہتے تھے۔

علاوہ ازیں ترجمان کا کہنا ہے کہ ایک روز میں پنجاب میں 25 انٹیلی جنس آپریشنز کئے گئے ہیں جس میں سات روز میں 372 کومبنگ آپریشنز کے دوران 21،111 افراد سے پوچھ گوچھ،36 مشتبہ افراد گرفتار اور 33 ایف آئی آر درج کی گئی ہیں کیونکہ پنجاب بھر میں امن وامان کی فضا برقرار رکھنا سی ٹی ڈی کی اولین ترجیح میں شامل ہے۔