سکیورٹی فورسز کا آپریشن، دہشتگرد کمانڈر ہلاک، سپاہی شہید

ویب ڈیسک

08th Nov, 2022. 01:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سکیورٹی فورسز کا آپریشن، دہشتگرد کمانڈر ہلاک، سپاہی شہید

سکیورٹی فورسز کے آپریشن کے دوران اہم دہشتگرد کمانڈر ہلاک جبکہ 1 سپاہی شہید ہوگیا ہے۔

پاک فوج کے شعبہ تعلقات عامہ (آئی ایس پی آر) کے مطابق سیکورٹی فورسز کی جانب سے خیبر ڈسٹرکٹ کے علاقے شکاس میں ایک مشترکہ انٹیلی جنس پر مبنی آپریشن کیا گیا۔

آئی ایس پی آر نے بتایا کہ آپریشن کے دوران فورسز اور دہشتگردوں کے درمیان فائرنگ کا تبادلہ ہوا۔

آئی ایس پی آر کا کہنا تھا کہ فائرنگ کے تبادلے میں اہم دہشتگرد کمانڈر لیاقت علی عرف شاہین ہلاک ہوگیا جس کے بارے میں پراپیگنڈہ کیا جارہا تھا کہ وہ لاپتہ ہے۔

آئی ایس پی آر کا کہنا تھا کہ ہلاک کمانڈر شاہین سیکیورٹی فورسز پر حملوں میں ملوث تھا۔

آئی ایس پی آر کا کہنا تھا کہ آپریشن کے دوران شرپسندوں کی فائرنگ سے 28 سالہ سپاہی سلیم خان شہید ہوا ہے۔۔

آئی ایس پی آر نے کہا کہ پاک فوج دہشت گردوں کے مکمل خاتمہ کے لیے پرعزم ہے۔