پنجاب حکومت نے جے آئی ٹی کی تشکیل آئین و قانون کے مطابق کی ہے، عمر چیمہ

ویب ڈیسک

16th Nov, 2022. 07:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب حکومت نے جے آئی ٹی کی تشکیل آئین و قانون کے مطابق کی ہے، عمر چیمہ

عمر سر فراز چیمہ نے کہا ہے کہ پنجاب حکومت نے جے آئی ٹی کی تشکیل آئین و قانون کے مطابق کی ہے۔

تفصیلات کے مطابق مشیر داخلہ و اطلاعات پنجاب عمر سرفراز چیمہ نے اپنے ایک بیان میں کہا کہ جے آئی ٹی کی تشکیل پر وفاقی وزارت داخلہ کا اعتراض بلاوجہ اور بلا ضرورت ہے جبکہ جے آئی ٹی بارے وفاق کے اعتراض کو مسترد کرتے ہیں۔

مشیر داخلہ و اطلاعات پنجاب عمر سرفراز چیمہ نے پنجاب حکومت نے جے آئی ٹی کی تشکیل آئین و قانون کے مطابق کی ہے جبکہ جے آئی ٹی میں وفاق کی کسی ایجنسی کا نمائندہ شامل کرنا لازم نہیں ہے۔

واضح رہے کہ جوائنٹ انوسٹی گیشن ٹیم کے معاملہ پر وفاقی وزارت داخلہ نے محکمہ داخلہ پنجاب کو مراسلہ ارسال کر دیا ہے جبکہ جوائنٹ انوسٹی گیشن ٹیم پر وفاقی حکومت نے اعتراض بھی اٹھا دیا ہے۔

وفاقی وزارت داخلہ نے کہا ہے کہ جوائنٹ انوسٹی گیشن ٹیم میں تمام ممبران کا تعلق پنجاب پولیس سے ہے جبکہ جے آئی ٹی میں کسی اور ایجنسی اور خفیہ ادارے کا نمائندہ شامل نہیں ہے۔

وفاقی حکومت نے جے آئی ٹی میں آئی ایس آی اور آئی بی کے نمائندے شامل کرنے کی تجویز دے دی ہے۔

وفاقی حکومت نے مزید کہا کہ یہ اچھا ہوگا کہ پنجاب حکومت اس جے آئی ٹی میں وفاقی ایجنسیز کے نمائندوں کو بھی شامل کرے۔