کوئٹہ کے علاقے بلیلی کے قریب خود کش دھماکے کے نتیجے میں خاتون سمیت 3 افراد شہید ہوگئے۔
پولیس نے بتایا کہ دھماکہ بلوچستان کانسٹیبلری کے ٹرک پر ہوا، جس میں 16 اہلکار زخمی ہوگئے جبکہ دھماکے کے باعث قریب سے گزرنے والی گاڑی بھی زد میں آگئی۔
بلیلی چوک کے قریب فورسز ٹرک کے قریب دھماکہ
براہ راست دیکھیں:https://t.co/7PN6qbAHwL#Quetta pic.twitter.com/kIxHwOWq8k— BOL Network (@BOLNETWORK) November 30, 2022
پولیس کا کہنا ہے کہ دھماکے کی زد میں آ کر قریب سے گزرنے والی گاڑی میں موجود خاتون بھی زخمی ہوئی اور اردگرد کی دوسری گاڑیوں کوبھی نقصان پہنچا۔
خیال رہے کہ پولیس موقع پر موجود ہے جبکہ بم ڈسپوزل اسکواڈ کو بھی موقع پر طلب کیا گیا ہے۔
دھماکے کے فوری بعد اسپتالوں میں ایمرجنسی نافذ کرتے ہوئے طبی عملے کو الرٹ کردیا گیا۔
ڈی آئی جی پولیس کی میڈیا سے گفتگو
جائے وقوعہ پر ڈی آئی جی پولیس کوئٹہ اظفر مہیسر نے میڈیا سے گفتگو کرتے ہوئے کہا کہ دھماکے میں 20 کے قریب پولیس اہلکار اور 4 سویلین زخمی ہوئے ہیں، دھماکہ خودکش تھا جس میں 25 کلو گرام بارودی مواد استعمال ہوا۔
اظفر مہیسر نے کہا کہ دھماکے کے بعد پولیس ٹرک کھائی میں گرگیا جس کے باعث پولیس جوان ٹرک کے نیچے آکر شہید ہوا۔
ڈی آئی جی پولیس نے مزید کہا کہ پولیس اہلکار پولیو کی سیکیورٹی کیلئے جا رہے تھے۔ واقعے کے بعد شہر میں سیکیورٹی بڑھا دی گئی ہے۔
وزیراعلیٰ بلوچستان کی مذمت
دوسری جانب وزیراعلیٰ بلوچستان میر عبدالقدوس بزنجو نے کوئٹہ میں بلوچستان کانسٹیبلری کے ٹرک کے قریب دھماکے کی مذمت کرتے ہوئے کہا کہ دہشت گردوں نے سیکیورٹی فورس پر بزدلانہ حملہ کیا، دہشت گردی کی کارروائیوں سے امن کے قیام کے ہمارے عزم کو کمزور نہیں کیا جاسکتا۔
وزیراعلیٰ نے دہشت گردی کی بزدلانہ کارروائی میں قیمتی جانی نقصان پر افسوس کا اظہار کرتے ہوئے زخمیوں کو علاج معالجہ کی بہترین سہولتوں کی فراہمی کی ہدایت دی۔
میر عبدالقدوس بزنجو نے کہا کہ سیکیورٹی فورسز کے حوصلے بلند اور عزم مضبوط ہے۔ واقعے میں ملوث عناصر اور انکے سرپرستوں کو قانون کی گرفت میں لایا جائے گا
وزیراعلیٰ بلوچستان نے شہداء کے خاندانوں سے تعزیت و ہمدردی کا اظہار کیا اور زخمیوں کی جلد صحتیابی کیلئے دعا بھی کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News