خود کو ایماندار اور دوسروں کو چور سمجھنا غلط فہمی ہے، وفاقی وزیر سید امین الحق

ویب ڈیسک

01st Nov, 2022. 03:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خود کو ایماندار اور دوسروں کو چور سمجھنا غلط فہمی ہے، وفاقی وزیر سید امین الحق

وفاقی وزیر سید امین الحق نے کہا ہے کہ خود کو ایماندار اور دوسروں کو چور سمجھنا غلط فہمی ہے۔

وفاقی وزیر برائے آئی ٹی نے پریس کانفرنس کرتے ہوئے کہا کہ ایم کیو ایم آئین و قانون کے دائرے میں اپنی جدوجہد جاری رکھے ہوئے ہے۔

انہوں نے کہا کہ پاکستان کے عوام جمہوریت پسند ہیں اور عوام کی خواہش ہے کہ دیرپا امن قائم و دائم رہے۔

انہوں نے مزید کہا کہ حکومت پاکستان نے جو مذاکراتی کمیٹی بنائی ہے اس کے ساتھ عمران خان بات چیت کریں کیونکہ گفتگو سے ہی تمام مسائل کا حل نکلتا ہے۔

ان کا کہنا تھا کہ ایم کیو ایم پاکستان خان صاحب کو ہمیشہ مشورے دیتی رہی کہ ریڈ لائن کراس نہ کریں۔

امین الحق نے کہا کہ سال 2023 سے پہلے مردم شماری اور پھر حلقہ بندیاں ہو جائیں گی اہم ایم کیو ایم پاکستان وفاقی حکومت سے اپیل کرتی ہے کہ برداشت اور تحمل کے ساتھ لانگ مارچ کا معاملہ حل کریں۔

انہوں نے کہا کہ متحدہ قومی موومنٹ جمہوری جدوجہد اور جمہوری روایات کو پروان چڑھانے پر یقین رکھتی ہے۔