موٹروے پر بائیک چلا سکتے ہیں یا نہیں،سپریم کورٹ نے فیصلہ سنا دیا

طیب بلوچ

19th Nov, 2022. 05:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موٹروے پر بائیک چلا سکتے ہیں یا نہیں،سپریم کورٹ نے فیصلہ سنا دیا

سپریم کورٹ نے موٹرویز پر بائیک چلا نے سے متعلق اہم فیصلہ جاری کردیا۔

تفصیلات کے مطابق سپریم کورٹ میں موٹر وے پر بائیکس چلانے کی اجازت دینے کے خلاف درخواست کی سماعت ہوئی۔

سپریم کورٹ نے موٹر وے پر بائیکس چلانے کے خلاف وفاقی حکومت کی درخواست منظور کرتےہوئے اسلام آباد ہائیکورٹ کا فیصلہ کالعدم قرار دے دیا۔

سپریم کورٹ نے کیس کا تحریری فیصلہ جاری کر دیا۔9صفحات پر مشتمل فیصلہ جسٹس محمد علی مظہر نے تحریر کیا۔

تحریری فیصلے میں لکھا گیا کہ موٹر ویز پر بائیکس چلانے کی اجازت دینا خطرناک ہوسکتا ہے۔قانون شہریوں کی جان و مال کی حفاظت کے لیے بنائے جاتے ہیں۔

سپریم کورٹ نے اپنے فیصلے میں لکھا کہ حکومت کے پاس احتیاطی تدابیر کے تحت مخصوص علاقوں میں موٹر سائیکل پر پابندی کا اختیار ہے۔

فیصلے میں لکھا گیا کہ موٹر وے پر تیز رفتار ٹریفک موٹرسائیکل سواروں کے لیے خطرناک ہوگی۔شہریوں کی حفاظت کے لیے بائیکس پر پابندی بنیادی حقوق کی خلاف ورزی نہیں ہے۔